بلال غفار نے کہا ہے کہ عمران خان کے ساتھ آخری سانس تک کھڑے ہیں۔

تفصیلات کے مطابق مرکزی نائب صدر پی ٹی آئی بلال غفار نے پریس کانفرنس کرتے ہوئے کہا کہ کراچی کے عوام کا ایک مرتبہ پھر شکریہ ادا کرنا چاہتا ہوں، عوام نے ثابت کردیا کہ وہ عمران خان کے ساتھ ہے، عوام نے بتادیا کہ امپورٹڈحکومت کو گھر بھیجیں گے۔

 انہوں نے کہا کہ گلستان جوہر نے 10 اپریل کو بھی نکل کر تاریخ رقم کی تھی، پارٹی کارکنان ایک سال سے حقیقی آزادی کی جدوجہد میں بڑھ چڑھ کا حصہ لے رہے ہیں۔

 بلال غفار کا کہنا تھا کہ پی ٹی آئی کا ورکر نظریہ پر کھڑا ہے، ہمارا جرم کیا ہے ہم سچ بولیں گے، یہ فیصلہ کن معارکہ ہے، عمران خان کے ساتھ آخری سانس تک کھڑے ہیں۔

 ان کا یہ بھی کہنا تھا کہ پی ڈی ایم کہتی تھی مہنگائی کی وجہ سے عمران خان کو ہٹایا جبکہ مہنگائی آج ایک سال پہلے سے کئی گنا زیادہ ہے۔

مرکزی نائب صدر پی ٹی آئی بلال غفار کا مزید کہنا تھا کہ جو زمان پارک میں ہوا وہ جمہوریت میں نہیں ہوتا، اس ملک میں سیاسی استحکام اور افراتفری روکنے کیلئے فوری الیکشن کروائے جائیں۔