چیئرمین تحریک انصاف عمران خان نے کہا ہے کہ پی ڈی ایم سیاسی اتحاد نہیں چوروں کا گروہ ہے۔
تفصیلات کے مطابق چیئرمین تحریک انصاف عمران خان سے صدر سی پی این ای کاظم خان کی ملاقات ہوئی ہے۔
ملاقات میں چیئرمین تحریک انصاف عمران خان نے کہا کہ میرے قتل کی سازش میں رانا ثناءاللہ کا کلیدی کردار ہے جبکہ سازش کے باقی دو کرداروں کے نام پہلے ہی بتا چکا ہوں اور میرے قتل کی تحقیقات کو سبوتاژ کرنے میں تینوں کا اہم کردار ہے۔
انہوں نے کہا کہ رانا ثنا اللہ ایک بزدل آدمی ہے، رانا ثناءاللہ وزیر داخلہ نہیں بلکہ دہشت گرد مافیا کا رکن ہے، ، رانا ثناءاللہ کا کردار عابد شیر علی کے باپ سے پوچھ لیں۔
ان کا کہنا تھا کہ الیکشن کی تاریخ مافیا کی سیاسی موت ہے اور الیکشن اگر مقررہ تاریخ سے آگے گئے تو سمجھیں قانون ختم ہے۔
عمران خان نے کہا کہ آئین کی پاسداری کیلئے ہر طرح کی اے پی سی میں بیٹھنے کو تیار ہوں۔
انہوں نے کہا کہ پی ڈی ایم سیاسی اتحاد نہیں چوروں کا گروہ ہے، عدالت عظمی پر الزام تراشی اور دباؤ میں لانے کی کوششیں ن لیگ کا پرانا وطیرہ ہے، یہ وہی ہیں جنکے مسلح جتھے سپریم کورٹ پر حملہ آور ہوئے۔
چیئرمین تحریک انصاف عمران خان نے مزید کہا کہ پی ٹی آئی کے امیدوار 30 اپریل کے حساب سے مہم جاری رکھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News