سابق وزیر اعلیٰ پنجاب و مرکزی صدر تحریک انصاف چوہدری پرویز الٰہی نے کہا ہے کہ آئینی اور سیاسی حقوق کو پامال کیا جارہا ہے۔
تفصیلات کے مطابق چیئرمین تحریک انصاف عمران خان سے سابق وزیر اعلیٰ پنجاب و مرکزی صدر تحریک انصاف چوہدری پرویز الٰہی کی ملاقات ہوئی جس میں سیاسی صورتحال، قانونی اور عدالتی معاملات پر بات چیت ہوئی جبکہ دونوں رہنماؤں نے پولیس کے زمان پارک میں کئے گئے ظالمانہ آپریشن کی مذمت بھی کی۔
ملاقات میں چیئرمین تحریک انصاف عمران خان نے کہا کہ حکومت انتقامی کارروائیوں میں اندھی ہوچکی ہے لیکن اپنے کارکنو ں ہر فخر ہے وہ ظلم کی ہر ہتھکنڈے کا مقابلہ کر رہے ہیں۔
انہوں نے کہا کہ حکومت الیکشن سے خوفزدہ ہے، حکومت “لندن پلان” کے تحت الیکشن سے پہلے میری گرفتاری یا نااہلی چاہتی ہے۔
ان کا کہنا تھا کہ ہمیں انتخابی مہم چلانے سے روکنے کے ہتھکنڈے استمعال کئے جارہے ہیں لیکن میں عوام سے کہتا ہوں کہ حالات جیسے بھی ہوں انتخابات میں کرپٹ مافیا کے خلاف باہر نکلنا ہے۔
اس موقع پر سابق وزیر اعلیٰ پنجاب و مرکزی صدر تحریک انصاف چوہدری پرویز الٰہی نے کہا کہ الیکشن کروانے کے سپریم کورٹ کے آئینی اور قانونی حکم میں کوئی رکاوٹ برداشت نہیں کی جائے گی، حکومت کے اوچھے ہتھکنڈے الیکشن نہیں روک سکتے، الیکشن ہوکر رہیں گے۔
انہوں نے کہا کہ زمان پارک آپریشن مریم کی خواہش پر کیا جارہا ہے، آئینی اور سیاسی حقوق کو پامال کیا جارہا ہے، انسانی حقوق کی بدترین خلاف ورزیاں کی جارہی ہیں۔
ان کا کہنا تھا کہ نگران پنجاب حکومت وفاقی حکومت کی کٹھ پتلی ہے، نگران وزئر اعلیٰ پی ڈی ایم کی ہر سازش کا حصہ دار ہے۔
چوہدری پرویز الٰہی نے کہا کہ حکومت سیاسی حالات خراب کرنے کے ایجنڈے پر کام کر رہی ہے جبکہ ہمیں اعلی عدلیہ سے امید ہےحکمرانوں کے ہتھکنڈوں کو نوٹس لے گی۔
انہوں نے کہا کہ حکمرانوں میں عوام کا سامنا کرنے کی ہمت ہے، انتخاب آئینی مدت میں ہونے چاہیئں، ملتوی کرانے کی کوئی سازش کامیاب نہیں ہوگی۔
سابق وزیر اعلیٰ پنجاب و مرکزی صدر تحریک انصاف چوہدری پرویز الٰہی نے مزید کہا کہ عمران خان کا پیغام گھر گھر پہنچ چکا ہے، ووٹ کی طاقت سے حکمرانوں کے ہر ظلم کا بدلہ عوام لیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News