چیئرمین تحریک انصاف عمران خان کی راولپنڈی کے مقدمہ میں عبوری ضمانت منظور کر لی گئی۔

تفصیلات کے مطابق جسٹس علی باقر نجفی کی سربراہی میں دو رکنی بنچ نے درخواست کی سماعت کی۔

چیئرمین تحریک انصاف کے وکیل بیرسٹر سلمان صفدر نے دوران سماعت دلائل دیتے ہوئے کہا کہ عمران خان کو سیکیورٹی کے سخت خدشات ہیں، آج بھی سیشن عدالت میں دو افراد فائرنگ سے جاں بحق ہو گئے۔

درخواست میں موقف اپنایا گیا کہ چیئرمین تحریک انصاف کو راولپنڈی کے مقدمہ میں ملزم نامزد کر دیا گیا ہے، چیئرمین تحریک انصاف کو نو مئی ہنگامہ آرائی کیس میں نامزد کیا گیا ہے، ان پر اعانت جرم کا الزام ہے، روزانہ کی بنیاد پر مقدمات درج کیے جا رہے ہیں، مقدمہ کی تحقیقات میں پیش ہونا چاہتے ہیں لیکن خدشہ ہے پولیس گرفتار کر لے گی، عدالت متعلقہ فورم سے رجوع کرنے تک حفاظتی ضمانت منظور کرے۔

عدالت نے چیئرمین تحریک انصاف کی راولپنڈی کے مقدمہ میں حفاظتی ضمانت منظور کر لی۔

بول نیوز کے نمائندے عبدالرحمن کی چئیرمین تحریک انصاف سے خصوصی گفتگو

چیئرمین تحریک انصاف عمران خان بول نیوز کے سوال پر پنجاب کے سرکاری ملازمین کے حق میں بول پڑے۔

بول نیوز کے نمائندے نے سوال کیا کہ پنجاب کے سرکاری ملازمین امتیازی سلوک کے خلاف دھرنا دئیے بیٹھے ہیں، آپ کیا کہیں گے؟

عمران خان نے جواب دیتے ہوئے کہا کہ میڈیا بالکل بلیک آوٹ کر رہا ہے کیوں کہ میڈیا کنٹرول میں ہے، لوگوں کے حالات برے ہیں جس طرح کی مہنگائی ہے۔