اسلام آباد: پاکستان اور امریکہ کے درمیان پاک امریکہ دوطرفہ تعلقات پر بات چیت جاری ہے۔
سفارتی ذرائع کے مطابق سعودی عرب اور ایران کے اعلیٰ سطح وفود کے بعد اب امریکی اعلیٰ سطح وفد بھی پاکستان میں موجود ہے، امریکی وفد گزشتہ رات شب دوحہ، قطر سے پاکستان پہنچا۔
ذرائع نے بتایا کہ پاکستانی حکام سے ملاقاتیں کرنے والا اعلیٰ سطح کا امریکی وفد تین رکنی ہے، امریکی وفد کی قیادت امریکہ کے انڈر سیکریٹری جان باس کر رہے ہیں۔
سفارتی ذرائع کا کہنا تھا کہ عام انتخابات اور موجودہ حکومت کے اقتدار سنبھالنے کے بعد پاکستان آنے والا یہ پہلا اعلیٰ سطح امریکی وفد ہے، دورے میں پاک امریکہ تعلقات اور اس میں پہتری کے لیے مفصل جائزہ لیا جارہا ہے۔
ذرائع کے مطابق ملاقاتوں میں وفد پاک امریکہ تعلقات کے مختلف پہلووں پر تفصیلی بات چیت کررہا ہے اور خطے کی صورتحال، سیکیورٹی معاملات بھی زیر غور ہیں۔
سفارتی ذرائع نے مزید بتایا کہ امریکی وفد آج رات واپس روانہ ہو گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News