امیر جماعت اسلامی کراچی حافظ نعیم الرحمان نے کہا ہے کہ ہم نے بنو قابل پروگرام کا دائرہ کار بڑھا دیا ہے۔

تفصیلات کے مطابق امیر جماعت اسلامی کراچی حافظ نعیم الرحمان نے پریس کانفرنس کرتے ہوئے کہا کہ ملکی صورتحال کو مدنظر رکھتے ہوئے روز بات کی جاتی ہے کہ اضافی ٹیکس کے علاوہ بھی کیا کیا جا سکتا ہے، ہم نے اس اہم مسئلے پر تجاویز لی ہیں، آج ایک اہم موضوع پر بات کی جائے گی کس طرح ملک کو مسائل سے باہر نکالا جا سکتا ہے، جماعت اسلامی کے زیر اہتمام بنو قابل پروگرام امید کی کرن ہے، بنو قابل پروگرام کے ذریعے نوجوانوں کو مواقع فراہم کئے جا رہے ہیں۔

امیر جماعت اسلامی کراچی نے کہا کہ شہر میں نوجوان بچوں کی تعداد 70 لاکھ سے زائد ہیں، میٹرک کے امتحانات میں 4 لاکھ سے زائد بچے حصہ لیتے ہیں، شہر میں بہت بڑی تعداد میں بچے ہیں جن کے پاس تعلیم کے مواقع موجود نہیں، ایسے بچوں کے لیے آئی ٹی کورسز وقت کی ضرورت ہے، ہمارے ہمسائے ممالک نے آئی ٹی سیکٹر کی ایکسپورٹ سے ملک کی ترقی میں اہم کردار ادا کیا، سوال ہے ہمارے ملک میں آئی ٹی سیکٹر پر توجہ کیوں نہیں دی گئی؟ اگر آج آئی ٹی سیکٹر پر توجہ دی جائے تو مستقبل بہتر ہو سکتا ہے۔

ان کا کہنا تھا کہ آج شہر میں بچوں کے پاس مواقع نہ ہونے کی وجہ سے نوجوان ملک چھوڑ کر جا رہے ہیں، اس ملک کو اس وقت انقلاب کی ضرورت ہے، جو کام ایک سیاسی جماعت کر سکتی ہے وہ ہم کر رہے ہیں، جب ہم نے ائی ٹی کورسز شروع کیے تو لوگوں نے ہم پر تنقید کی مگر ہم نے تنقید پر توجہ نہ دیتے ہوئے 15 ہزار بچوں کو کورسز کروائے، آئی ٹی منسٹرز نے بینرز لگوانے کے بجائے کچھ نہیں کیا، گورنر ہاؤس کے باہر ایک فلاحی ادارے کے پیچھے حکومتی عہدیدار چھپ نہیں سکتے۔

انہوں نے کہا کہ ہم نے بنو قابل پروگرام کا دائرہ کار بڑھا دیا ہے، ہم صرف آنلائن تعلیم فراہم نہیں کرتے، ہمارے مرکز میں بنو قابل پروگرام کے کورسز کروائے جا رہے ہیں، 10 تاریخ کو بچوں کو سرٹیفکیٹ اور میڈلز دیے جائیں گے، جتنے بچوں نے کورسز کیے ہیں ان کے لیے نوکری کے مواقع بھی پیدا کیے جا رہے ہیں، ہماری کوشش ہے اس قوم کو مایوس نہ ہونے دیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں