میئر کراچی مرتضیٰ وہاب نے کہا ہے کہ کوشش ہے کہ جنوری تک ضلع کیماڑی میں جاری روڈ منصوبے کو مکمل کر لیں۔

تفصیلات کے مطابق میئر کراچی مرتضیٰ وہاب نے پریس کانفرنس کرتے ہوئے کہا کہ ہم ضلع کیماڑی کے شیر شاہ روڈ پر موجود ہیں، کام کے حوالے سے یہ بڑی اہمیت کی حامل سڑک ہے، یہ سڑک سائٹ ایریا کو حب سے ملاتی ہے۔

مرتضیٰ وہاب نے کہا کہ لاکھوں کی تعداد میں لوگ اس علاقے میں رہتے ہیں، پیپلز پارٹی کے کارکنان نے اس سڑک کی نشاندہی کی تھی، پیپلز پارٹی کی قیادت نے یہاں کی عوام کے دیرینہ مسئلے کو حل کرنے میں کردار ادا کیا ہے، میں سید مراد علی شاہ اور ناصر حسین شاہ کا شکر گزار ہوں جنہوں نے اس پراجیکٹ کو منظور کروانے میں میری مدد کی۔

ان کا کہنا تھا کہ اس سڑک کو از سر نو تعمیر کیا جا رہا ہے، اسٹارم واٹر ڈرین یہاں تعمیر کیا ، یہاں نالہ بھی بنایا گیا ہے تاکہ بارشوں میں مشکلات نہ ہوں یہاں کے بسنے والوں کو، اس علاقے کی اسٹریٹ لائٹس کو بھی درست کیا جا رہا ہے، ہم کوشش کرینگے جنوری تک اس پراجیکٹ کو مکمل کریں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں