ملک کی بڑی قیادت وفاقی دارلحکومت میں پہنچنا شروع ہو گئی۔

تفصیلات کے مطابق پیپلز پارٹی کے چیئرمین بلاول بھٹو زرداری آج شام اسلام آباد پہنچیں گے۔

بلاول بھٹو پیر کو سپریم کورٹ بار ایسوسی ایشن کی تقریب میں شرکت کر کے عہدیداروں سے ملاقاتیں کریں گے۔

اس موقع پر چیئرمین بلاول بھٹو زرداری بشمول سید قائم علی شاہ اور ڈاکٹر غلام حسین آئین پاکستان کے مسودے کی تدوین کرنے والی کمیٹی کے دو حیات اراکین کو اعزازی شیلڈ بھی دیں گے۔

پیپلزپارٹی نے اس موقع پر فلسطینیوں سے بھرپور اظہار یکجہتی کرنے کا فیصلہ کیا ہے، بلاول بھٹو زرداری آئندہ ہفتے فلسطینی سفارتخانے جائیں گے اور ان کے ہمراہ پارٹی رہنماؤں کا وفد بھی ہو گا۔

واضح رہے کہ کچھ دن قبل بلاول بھٹو نے اپنے ایک بیان میں کہا تھا کہ فلسطین کے شہداء کے ساتھ اظہار یکجہتی کرتا ہوں، پاکستان کی عوام فلسطین کے ساتھ ہے، جب تک پاکستان ہے فلسطین کی عوام اکیلا نہیں ہے۔

ان کا کہنا تھا کہ محترمہ شہید بینظیر بھٹو پہلی وزیراعظم تھیں جنہوں نے فلسطین اور غزہ کا دورہ کیا، بی بی نے دنیا کو دکھایا کہ پاکستان کی پہلی خاتون وزیر اعظم فلسطین کے ساتھ کھڑی ہے، یاسر عرفات محترمہ کی دعوت پر گڑھی خدا بخش بھٹو بھی آیا تھا، ہم مطالبہ کرتے ہیں کہ حکومت صرف ہماری نہیں بلکہ فلسطین کی بھی ہے، آپ صرف ہمارے وزیر اعظم اور وزیرخارجہ نہیں ہیں، آپ کو فلسطین کے لیے کچھ نہ کچھ کرنا پڑے گا، فلسطین کے شہداء کے اشو پر پورا پاکستان ایک ہے، نہ میرا نہ تیرا ہم سب کا پاکستان کے نعرے کے تحت ملک چلانا پڑے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں