پیپلز پارٹی سندھ کے صدر نثار کھوڑو نے کہا ہے کہ ہم نے کسی پارٹی کے ساتھ اتحاد کی بات نہیں کی۔

تفصیلات کے مطابق پیپلز پارٹی سندھ کے صدر نثار کھوڑو نے میڈیا سے گفتگو کرتے ہوئے کہا کہ پی ایل ایف کی از سر نو تشکیل ہوئی ہے، ہم آرگنائزیشن بناتے ہیں تو ممبرشپ کا ڈیٹا بھی بنانا چاہیے، تین دن میں ایک ہزار وکلا نے ممبرشپ لی ہے، سندھ کے دیگر اضلاع میں بھی یہ مہم چلائی جاۓ گی، وکلا برادری کو پاکستان کا محافظ سمجھتا ہوں جو عوام کی بات کو سمجھتے اور قانون بھی جانتے ہیں، وکلا کو معاشرے کی انٹیلیجنشیا کہا جاتا ہے۔

نثار کھوڑو نے کہا کہ یہاں سے کالے کوٹ والے آواز اٹھاتے تھے وکلا برادری نے بہادری دکھا کر جمہوریت کیلئے کردار ادا کیا، پاکستان بنانے والا بھی قانون دان تھا پاکستان بچانے والا بھی بیرسٹر ہے، ذوالفقار علی بھٹو کو سلام پیش کرتا ہوں جنہوں نے ملک کو آئین دیا، یہ آئین ایسا ہے ہم دنیا میں منہ دکھانے کے قابل ہوۓ، ہمیں خوشی ہے ہم نے جمہوریت  کو بحال کیا، وکلا پر بڑی ذمہ داری ہے آئین اور قانون کی رکھوالی کرنے کی۔

ان کا کہنا تھا کہ پاکستان کو پاکستان کے عوام کے حوالے کیا جاۓ کسی نامزد کو آگے کر کے نہیں، پیپلز پارٹی کسی اتحاد پر یقین کرے نا کرے عام آدمی کے ساتھ اتحاد میں رہتی ہے، کسی سازش پر یقین نہیں رکھتے بیک ڈور کی سیاست پر یقین نہیں رکھتے، میاں صاحب تو چار سال بعد آۓ، کسی پارٹی کے ساتھ اتحاد کی بات نہیں کی، اتحاد تو پہلے بھی ہوۓ ہیں مگر یہ گٹھ جوڑ والی بات ٹھیک نہیں۔

انہوں نے کہا کہ میں سمجھتا ہوں ابھی (ن) لیگ اور ایم کیو ایم کا اتحاد نہیں ہوا، ابھی صرف کمیٹی بنی ہے جو بات کر رہی ہے، الیکشن کے بعد نشستوں کی صورت حال دیکھ کر فیصلہ ہو گا، یہی فارمولا ہے جس کے پاس جو نشستیں ہوتی ہیں اس لحاظ سے حکومت بنانے کیلئے بات چیت ہوتی ہے، لوگ نو مئی کو کیوں بھولیں گے؟ وہ وقت تھا جب لوگ بوریاں گنتے تھے، الیکشن میں لوگ دیکھیں گے لوگ کالا باغ ڈیم نہیں بھولیں گے۔

نثار کھوڑو نے کہا کہ میاں نواز شریف سندھ آرہے ہیں تو میں کیوں روکوں گا، کہیں ایسا تو نہیں انہیں پنجاب میں کوئی پوچھتا نہیں اس لیے دوسری جگہوں پر گھوم رہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں