دیگر ممالک کیساتھ معاہدوں پر مذاکرات کیلئے کابینہ کمیٹی تشکیل

فہد

29th Mar, 2024. 12:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دیگر ممالک کیساتھ معاہدوں پر مذاکرات کیلئے کابینہ کمیٹی تشکیل

اسلام آباد: حکومتی سطح پر مختلف ممالک سے معاہدوں پر مذاکرات کے معاملے پر وفاقی حکومت نے وزیر دفاع خواجہ آصف کی سربراہی میں کابینہ کمیٹی تشکیل دے دی۔

ذرائع کے مطابق کابینہ کمیٹی برائے بین الحکومتی کمرشل ٹرانزیکشن کے لیے ضوابط کار بھی طے ہوگئے، تاہم کمیٹی میں خزانہ، نجکاری، پیٹرولیم اور اقتصادی امور کے وزراء بھی شامل ہوں گے۔

ذرائع کا کہنا ہے کہ کمیٹی دیگر ممالک کے ساتھ معاہدوں کے لیے مذاکرات کرے گی اور کمرشل معاہدوں کے لیے بھی یہ کمیٹی مذاکرات کرے گی۔

اس کے علاوہ ذیلی مذاکراتی کمیٹی بھی تشکیل دی جا سکے گی، تاہم مذاکراتی کمیٹی اپنی سفارشات منظوری کے لیے وفاقی کابینہ کو بھیجے گی۔

ذرائع نے مزید بتایا کہ کمیٹی کمرشل ٹرانزیکشن پر تیزی سے عمل درآمد کے لیے ضروری فیصلے بھی کرے گی۔