اراکین پارلیمنٹ کیلئے بھی پینے کا ’پانی‘ آلودہ نکلا

ویب ڈیسک

29th Mar, 2024. 02:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اراکین پارلیمنٹ کیلئے بھی پینے کا ’پانی‘ آلودہ نکلا

اسلام آباد: اراکین پارلیمنٹ کیلئے بھی پینے کا پانی غیر محفوظ ہونے کا انکشاف ہوا ہے۔

تفصیلات کے مطابق اس حوالے سے پاکستان کونسل برائے تحقیق آبی وسائل نے قومی اسمبلی سیکرٹریٹ کو مراسلہ بھیج دیا ہے۔

سہہ ماہی واٹر ٹیسٹنگ رپورٹ کے مطابق پارلیمنٹ ہاؤس اور لاجز میں پینے کا پانی صحت کیلئے مضرِ صحت قرار دے دیا گیا ہے۔

پی سی آر ڈبلیو آر رپورٹ کے مطابق ڈپٹی اسپیکر روم سمیت چھ مقامات سے پانی کے نمونے ٹیسٹ کیے گئے، پارلیمنٹ ہاؤس سے لیے گئے تمام نمونوں کا پانی آلودہ پایا گیا، واٹر کولرز، اوور ہیڈ ٹینک اور نلکے سے لیے گئے نمونوں کا پانی غیرمحفوظ قرار دیا گیا۔

رپورٹ کے مطابق پارلیمنٹ لاجز میں تین بلاکس کے ٹینکوں کا پانی قابل استعمال نہیں جبکہ پارلیمنٹ لاجز میں صرف مین فلٹریشن پلانٹ کا پانی محفوظ پایا گیا۔