الیکشن کمیشن سندھ نے سینیٹ کے امیدواروں کی حتمی فہرست جاری کردی

عبدالحسیب خان

28th Mar, 2024. 12:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن سندھ نے سینیٹ کے امیدواروں کی حتمی فہرست جاری کردی

کراچی: الیکشن کمیشن سندھ نے سینیٹ انتخابات کے لیے امیدواروں کی حتمی فہرست جاری کردی۔

الیکشن کمیشن کے مطابق سینیٹ میں سندھ سے 7 جنرل نشستوں پر 11 امیدوار میدان میں ہونگے، تاہم 11 امیدواروں میں پیپلزپارٹی کے 6، چار آزار امیدوار جبکہ ایک امیدوار کا تعلق ایم کیو ایم پاکستان سے ہے۔

الیکشن کمیشن نے بتایا کہ فیصل واڈا بطور آزاد امیدوار جنرل نشست پر الیکشن لڑیں گے جبکہ خواتین کی 2 نشستوں پر تین امیدواروں کے درمیان مقابلہ ہوگا، خواتین کی نشستوں پر تین امیدواروں میں سے دو کا تعلق پیپلزپارٹی جبکہ ایک آزاد امیدوار ہیں۔

اس کے علاوہ ٹیکنوکریٹ کی دو نشستوں پر چار امیدواروں کے درمیان مقابلہ ہوگا جبکہ ٹیکنوکریٹ کے چار امیدواروں میں سے دو کا تعلق پیپلزپارٹی جبکہ دو امیداوار آزاد ہیں۔

الیکشن کمیشن نے مزید بتایا کہ غیر مسلم کی ایک نشست پر دو امیدواروں کے درمیان مقابلہ ہوگا، تاہم غیر مسلموں کی نشست پر پیپلزپارٹی کے پونجھو مل بھیل اور آزاد امیدوار بھگوان داس کے درمیان مقابلہ ہوگا۔