سابق چیئرمین سینیٹ میاں رضا ربانی نے کہا ہے کہ غیر ملکی امداد یافتہ عناصر پاکستان کو غیر مستحکم کرنے کی کوششیں کر رہے ہیں۔
میاں رضا ربانی نے اپنے جاری کردہ بیان میں کہا کہ دہشت گردی کے حالیہ واقعات قابل مذمت ہیں، جن میں غیر ملکی شہریوں، افسران، مسلح افواج اور سیکیورٹی فورسز کے جوانوں کی شہادتیں ہوئی ہیں۔
انہوں نے کہا کہ حالیہ کچھ عرصے میں بالخصوص کے پی کے اور بلوچستان کے صوبوں میں دہشت گردی اور دہشت گردی سے متعلق واقعات میں مسلسل اضافہ ہوا ہے۔
رضا ربانی نے کہا کہ غیر ملکی امداد یافتہ عناصر پاکستان کو غیر مستحکم کرنے کی کوششیں کر رہے ہیں، تاکہ معاشی بحالی پر اثر پڑے اور غیر ملکی سرمایہ کاروں کی حوصلہ شکنی کی جا سکے۔
انکا کہنا تھا کہ دہشت گردی کے خلاف جنگ میں پوری قوم ایک ہو کر کھڑی ہے، حکومت کو عوام کو اعتماد میں لینے کی ضرورت ہے کہ یہ واقعات دوبارہ کیوں سامنے آئے، دہشت گردی کی نقل و حرکت پر قابو پانے کے لیے کیا اقدامات کیے جا رہے ہیں۔
سابق چیئرمین سینیٹ نے کہا کہ حکومت کو سینیٹ کے مکمل ہونے کے بعد نو منتخب پارلیمنٹ کا مشترکہ اجلاس بلانے کی ضرورت ہے۔
رضا ربانی نے مزید کہا کہ مشترکہ اجلاس میں اسٹیک ہولڈرز کو ملک کی سلامتی کی صورتحال اور اس خطے میں اٹھائے جانے والے اقدامات کے ساتھ ساتھ پارلیمنٹ کے کردار سے بھی آگاہ کیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News