اسلام آباد: صدر مملکت آصف علی زرداری کی جانب سے سکھ برداری کو بیساکھی کی مبارکباد پیش کی گئی ہے۔
بیساکھی کے تہوار پر صدر آصف زرداری نے اپنے پیغام میں کہا کہ بیساکھی کا تہوار امن و سلامتی، خوشیوں اور محبت کا پیغام دیتا ہے، پاکستان کو اپنے ثقافتی ورثے میں تنوع پر فخر ہے۔
انہوں نے کہا کہ پاکستان ملک کی ترقی اور ترقی میں اقلیتوں کے کردار کو تسلیم کرتا ہے اور تمام اقلیتوں کے حقوق کے تحفظ کے لیے پرعزم ہے۔
صدر آصف زرداری نے مزید کہا کہ پاکستان سکھ برادری کی سہولت کے لیے تمام اقدامات کو یقینی بنائے گا۔
اس سے قبل بیساکھی کے موقع پر اپنے پیغام میں وزیراعظم شہباز شریف نے کہا تھا کہ کھ برادری کو مبارک پیش کرتا ہوں، دیسی مہینہ بیساکھ بہار کے موسم کی علامت، محبت اورخوشیاں بانٹنے کا تہوار ہے۔
انہوں نے کہا کہ میں بیساکھی کے رنگا رنگ تہوار کے موقع پر دنیا بھر اور پاکستان میں مقیم سکھ برادری کو دل کی گہرائیوں سے مبارکباد پیش کرتا ہوں۔
وزیر اعظم کا کہنا تھا کہ دیسی مہینہ بیساکھ بہار کے موسم کی علامت اور بیساکھی پیار، محبت اورخوشیاں بانٹنے کا تہوار ہے۔
شہباز شریف نے کہا کہ ہمیں فخر ہے کہ پاکستان مختلف عقائد اور ثقافتوں کا ایک خوبصورت امتزاج ہے، بیساکھی کے رنگ اس خوبصورتی میں مزید اضافہ کرتے ہیں۔
وزیر اعظم نے مزید کہا کہ بیساکھی کے موقع پر میں آپ سب کو پیار، محبت اور امن کا پیغام دینا چاہتا ہوں، آئیں مل کر ایک پر امن دنیا کی تشکیل میں اپنا کردار ادا کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News