سعودی وزیر خارجہ کی پاکستان میں مصروفیات کاسلسلہ آج شروع ہوگا۔
تفصیلات کے مطابق سعودی وفد میں شامل وزرا گزشتہ شب اسلام آباد پہنچے، سعودی وفد پاکستان کا 2 روزہ سرکاری دورہ کررہاہے، دورہ دوطرفہ اقتصادی تعاون کےفروغ کو تیز کرنے کے لیے ہے۔
ذرائع کے مطابق دورے کا مشرق وسطیٰ میں حالیہ واقعات سے کوئی تعلق نہیں ہے، سعودی وزیر خارجہ اور اسحاق ڈار آج ایس آئی ایف سی کی تقریب کی صدارت اورخطاب بھی کریں گے۔
ذرائع کے مطابق سعودی وزیر خارجہ فیصل بن فرحان صدر مملکت آصف علی زرداری، وزیراعظم شہباز شریف اور مسلح افواج کےسربراہ سےملاقاتیں کریں گے۔
دونوں ممالک کےدرمیان مشترکہ سرمایہ کاری کےمواقع کاجائزہ لیاجائےگا،سعودی عرب کی جانب سےطویل عرصےبعداعلیٰ سطح پردورہ کیاجارہاہے۔
ملاقاتوں میں پاکستان میں آئل ریفائنری کےقیام کےحوالےسےبات چیت ہوگی، سعودی عرب کان کنی کے شعبے بالخصوص ریکوڈک میں دلچسپی کااظہارکررہاہے، سعودی عرب معدنیات کےعلاوہ زراعت میں سرمایہ کاری کےلیےتجاویزپیش کرےگا۔
ذرائع کے مطابق 5 ارب ڈالر کی سرمایہ کاری کےلیےمختلف منصوبوں پرغورہوگا، کامیاب مذاکرات کے بعد محمد بن سلمان پاکستان کادورہ کرسکتےہیں، سعودی وزیر خارجہ آج اپنے وفد کےہمراہ واپس روانہ ہوں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News