جمعیت علمائے اسلام (ف) کے سربراہ مولانا فضل الرحمان کا حماس کے رہنما اسماعیل ینیہ سے ٹیلیفونک رابطہ ہوا ہے۔
اس موقع پر جے یو آئی کے سربراہ مولانا فضل الرحمان نے حماس رہنما اسماعیل ہنیہ کے بیٹوں اور پوتوں کی شہادت پر تعزیت کا اظہار کیا۔
مولانا فضل الرحمان کی خصوصی ہدایت پر علامہ راشد محمود سومرو کی قطر میں اسماعیل ہنیہ سے ملاقات بھی ہوئی جس میں انہوں نے اسماعیل ہنیہ کو فضل الرحمان کا تعزیتی خط پیش کیا۔
مولانا فضل الرحمان نے ٹیلیفونک گفتگو میں شہداء کی بلندی درجات کے لئے دعا کی اور کہا کہ پاکستانی عوام فلسطینی بھائیوں کے دکھ درد کو محسوس کرتے ہیں۔
جے یو آئی کے سربراہ نے مزید کہا کہ اپنے اجتماعات میں اسرائیلی جارحیت کو بے نقاب کریں گے، ہزاروں فلسطینیوں کی شہادتوں اور زخمیوں پر عالمی برادری خصوصا مسلم دنیا کی خاموشی افسوسناک ہے، فلسطینیوں کی جدوجہد آزادی میں ان کے قدم بقدم اور شانہ بشانہ ہیں۔
دوران ملاقات اسماعیل ہنیہ نے جدہ سعودی عرب میں بین الاقوامی کانفرنس میں فلسطینیوں کے لئے آواز بلند کرنے پر مولانا فضل الرحمان کا خصوصی شکریہ ادا کیا۔
اس کے علاوہ اسماعیل ہنیہ نے جمعیت علماء اسلام پاکستان کے کارکنان اور پاکستانی عوام کا غزہ کے مظلوموں کے ساتھ کھڑے رہنے پر بھی شکریہ ادا کیا۔
حماس رہنما اسماعیل ہنیہ نے مولانا فضل الرحمان سے گفتگو کے دوران کہا کہ اہل غزہ اور شہداء کے اہل خانہ جمعیت علماء اسلام پاکستان اور پاکستانی عوام کی امدادی کوششوں پر خصوصی طور پر شکرگزار ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News