وزیراعلیٰ پنجاب مریم نواز شریف نے کہا ہے کہ تمام سکھ مہمانوں کو میری اور نواز شریف کی جانب سے جے آیا نوں۔

وزیراعلیٰ پنجاب مریم نواز نے کرتار پور میں تقریب سےخطاب کرتے ہوئے کہاکہ پاکستان میں چند ہفتوں کے دوران رمضان، عید، ایسٹر اور بیساکھی کا تہوار منایا گیا، پاکستان میں مشکل وقت پر سب دعا کیلئے ہاتھ اٹھاتے ہیں۔

انہوں نے کہاکہ سکھ برادری کے ساتھ تہوار منانے پر خوش ہوں، سکھ بہن بھائیوں کا ادھر آنا ہمارے سر ماتھے پر ہے، اس موقع پر نواز شریف کو یہاں میرے ساتھ ہونا چاہیے تھا۔

وزیراعلیٰ پنجاب نے کہاکہ محمد نواز شریف نے 2013 میں پہلے سکھ کو ایم پی اے بنا کر اس کرتار پورراہداری کی بنیاد رکھی، بھارتی اور پاکستانی پنجاب کی تاریخ میں پہلی خاتون وزیراعلیٰ منتخب کرنے پر دنیا بھر کے پنجابیوں کو سلام پیش کرتی ہوں۔

نواز شریف نے کہا تھا کہ میرے سکھ بھائی باڈر پار سے دوربین سے اپنے مقدس مقامات دیکھتے ہیں، انکے لئے راستے کھولو، نوازشریف کہتے ہیں ہمسایوں سے لڑائی نہیں کرنی ، ہمسایوں سےدوستی کے دروازے کھولو۔

مریم نواز شریف نے کہاکہ آج مجھے اپنا گاؤں جاتی امراامرتسر یاد آگیا، آج سرکاری طور پر بیساکھی کا تہوار منایاجارہاہے، جانتی ہوں پنجاب کے لوگوں کو خوشیاں منانی آتی ہیں، آج میں بیساکھی کا تہورا سکھ بہن بھائیوں کے منا رہی ہوں، ہم پنجاب میں بستے ہیں اور پنجاب ہمارے دل میں بستا ہے۔

وزیراعلیٰ پنجاب نے مزید کہا کہ بھارت کے پنجابی کھل کر اپنی زبان بولتے ہیں، میرا دل کرتا ہے پاکستانی پنجابی بھی کھلے دل سے اپنی زبان بولیں۔

مریم نواز شریف نے کہاکہ درانتی سے گندم کی سنہری فصل کی کٹائی سے ویساکھی کا باقاعدہ آغاز کر کے یہاں آئی ہوں،اس کھیت میں فصل کی کٹائی کا اعزاز حاصل ہوا جہاں گرونانک سنگھ گندم کاشت کرتے تھے، گرونانک سنگھ خود کٹائی کرتے تھے،آٹا گوندھ کر روٹیاں پکاتے اور مہمانوں کو پیش کرتے، یہ گندم اب گوروگھر کے لنگر میں مہمانوں کی سیوا کے لئے استعمال میں لائی جائے گی۔