اسلام آباد: انٹرنیشنل مانیٹری فنڈ (آئی ایم ایف) کنےنئے قرض پروگرام میں صوبوں کے اخراجات میں شفافیت کا مطالبہ کردیا ہے۔

ذرائع خزانہ ڈویژن کے مطابق آئی ایم ایف نے آئندہ مالی سال کے وفاق اور صوبائی بجٹوں کو ڈیجیٹلائز کرنے کی تجویز دی ہے، صوبائی حکومتوں کے ترقیاتی بجٹ کے درست استعمال کیلئے نئی تجاویز تیار ہونگی، بجٹ ڈیجٹلائزیشن کے عمل سے آمدن اور اخراجات میں گیپ کو جلد کنٹرول کیا جا سکے گا۔

ذرائع کا کہنا ہے کہ آئی ایم ایف کا صوبائی ٹیکسوں کی وصولی کا کام ایف بی آر کو سونپنے کا مطالبہ بھی کیا ہے، صوبائی ٹیکس اتھارٹیز دیگر امور کے باعث مکمل ٹیکس وصولی نہیں کر پا رہیں، صوبائی حکومتیں زرعی انکم ٹیکس وصولی کیلئے طریقہ کار نہیں بنا سکیں۔

علاوہ ازیں آئی ایم ایف کا زرعی شعبے کو ٹیکس نیٹ میں لانے کا شدید دباؤ ہے، زرعی شعبے کو ٹیکس نیٹ میں لانے سے ٹیکس محاصل میں بڑا اضافہ ہو گا۔

ذرائع خزانہ ڈویژن نے مزید بتایا کہ نئے آئی ایم ایف پروگرام کیلئے تمام صوبائی حکومتیں مکمل تعاون فراہم کرنے کو تیار ہیں، تمام امور پر صوبائی حکومتوں کی مشاورت کے ساتھ نئی تجاویز پر کام کیا جا رہا ہے۔