پاکستان میں مہنگائی کو کم کرنے میں 2 سے 3 سال لگیں گے، آئی ایم ایف

عمر حیات خان

17th Apr, 2024. 01:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان میں مہنگائی کو کم کرنے میں 2 سے 3 سال لگیں گے، آئی ایم ایف

اسلام آباد: انٹرنیشنل مانیٹری فنڈ (آئی ایم ایف) کے اسسٹنٹ ڈائریکٹر جانسن واؤ نے کہا ہے کہ پاکستان میں مہنگائی کو کم کرنے میں دو سے تین سال لگیں گے۔

آئی ایم ایف کے مالیاتی قونصلر توبیس ایڈرائن کے ہمراہ اسسٹنٹ ڈائریکٹر آئی ایم ایف جانسن واؤ نے نیوز کانفرنس کرتے ہوئے کہا کہ پاکستان کو تاحال کئی معاشی چیلنجز کا سامنا ہے۔

قونصلر آئی ایم ایف نے کہا کہ پاکستان آئی ایم ایف کے ساتھ قرض پروگرام میں ہے، مہنگائی نے پاکستان کی غریب اور متوسط طبقے کو متاثر کیا، پاکستان اور اس سے متعلقہ ریجن میں مہنگائی ایک ایشو ہے۔

دوسری جانب اسسٹنٹ ڈائریکٹر آئی ایم ایف جانسن واؤ نے کہا کہ پاکستان میں مالیاتی پالیسی سے مہنگائی کنٹرول کی جانی ضروری ہے۔

انہوں نے مزید کہا کہ پاکستان میں مہنگائی کو کم کرنے میں دو سے تین سال لگیں گے، پاکستان میں سرکاری اداروں کے نقصانات کم کیے جانا ناگزیر ہے۔