آئی ایم ایف سے مذاکرات میں روپے کی قدر مزید گرنے کا امکان نہیں، وزیر خزانہ

عمر حیات خان

18th Apr, 2024. 09:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی ایم ایف سے مذاکرات میں روپے کی قدر مزید گرنے کا امکان نہیں، وزیر خزانہ

اسلام آباد: وزیر خزانہ محمد اورنگزیب نے کہا ہے کہ آئی ایم ایف سے مذاکرات میں روپے کی قدر مزید گرنے کا امکان نہیں ہے۔

وفاقی وزیر محمد اورنگزیب نے بلوم برگ کے ساتھ راؤنڈ ٹیبل اجلاس سے خطاب کرتے ہوئے کہا کہ زرمبادلہ ذخائر مضبوط اور شرح تبادلہ مستحکم ہے، آنے والے برسوں میں معاشی شرح نمو چار فیصد سے تجاوز کر جائے گی۔

انہوں نے کہا کہ روپے کی قدر میں سالانہ روایتی 6 سے 8 فیصد سے زیادہ کمی کا کوئی جواز نہیں، روپے کی قدر میں مزید کمی کی کوئی وجہ نظر نہیں آتی۔

محمد اورنگزیب نے کہا کہ ترسیلات زر اور برآمدات میں اضافہ ہو رہا ہے، آئی ایم ایف مشن کا دورہ پاکستان مئی میں متوقع ہے۔

وزیر خزانہ نے مزید کہا کہ آئی ایم ایف سے نئے قرض کیلئے اسٹاف لیول معائدہ جون کے آخر یا جولائی کے اوائل میں متوقع ہے۔