وفاقی وزیر انفارمیشن ٹیکنالوجی امین الحق کا کہنا ہے کہ پب جی گیم کی بندش کے حوالے سے وزرات انفارمیشن ٹیکنالوجی کا کوئی کردار نہیں ہے۔
اپنے جاری کردہ بیان میں امین الحق کا کہنا تھا کہ پی ٹی اے وزرات انفارمیشن ٹیکنالوجی کے ماتحت نہیں ہے۔ اس میں شک نہیں کہ گیم کی بندش سے نوجوان ایک تفریح اور آمدنی کے ذریعے سے محروم ہوئے ہیں، معاملہ عدالت میں ہے، گیم کُھلنے یا بند رہنے سے متعلق عدالتی فیصلے کا انتظار کرنا چاہئے، عدالت جو فیصلہ کرے ایک اچھے قانون پسند شہری کی طرح اسے خوش دلی سے تسلیم کریں، نوجوان اور ان کے والدین یہ ضروردیکھیں کسی گیم سے کوئی منفی رجحانات تو جنم نہیں لے رہے، جو نوجوان اس گیم میں آگے ہیں امید ہے وہ تعلیمی میدان میں بھی آگے ہوں گے، نوجوان صرف کھیل ہی نہیں تعلیم کے میدان میں بھی اپنے جوہر دکھائیں، اُمید ہے نوجوان اپنی تعلیم اور ٹکڑا صحت مند سرگرمیوں پر بھرپور توجہ مرکوز رکھیں گے۔
وفاقی وزیر کا مزید کہنا تھا کہ وزارت انفارمیشن ٹیکنالوجی نوجوانوں کی صحت مند سرگرمیوں کیلئے ہمیشہ سہولت کار رہے گی، انفارمیشن ٹیکنالوجی کی وسیع فیلڈ میں نوجوانوں کو اپنی صلاحتیں دکھانے کے بھرپور مواقع ہیں، اپنی تخلیقی صلاحیتوں کا استعمال کرتے ہوئے آئی ٹی کے شعبے میں پاکستان کا نام روشن کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News