پیاز کے بنا پاکستانی کھانے ادھورے ہیں، پیاز روز مرہ زندگی میں کثرت سے استعمال کیا جاتا ہے اور یہ تمام کھانوں کے لئے ایک بنیادی حیثیت ہی نہیں رکھتا بلکہ دوا کے طور پر بھی نہایت ہی مفید ہے۔

پیاز جس کی قیمتیں اکثر آسمان کو چھونے لگتی ہیں اور اسے خریدتے وقت سبھی کے آنسو نکل رہے ہوتے ہیں لیکن قدرت نے اس دنیا میں ہر چیز کا متبادل بنایا ہے۔

آج ہم آپ کو اپنی اس اسٹوری میں 3 ایسی چیزوں کے بارے میں بتا رہے ہیں جو مہنگی بھی نہیں ہیں اور پیاز کی کمی بھی پوری کردیں گی۔

پیاز کے 3 سستے متبادل کونسے ہیں؟

لہسن

اگر آپ پیاز خریدنے کی استطاعت نہیں رکھتے تو لہسن کا استعمال کر سکتے ہیں جو تلے جانے کے بعد پیاز جیسا ذائقہ دے گا۔

اس کے علاوہ اگر لہسن کے چند جوے مٹی میں دبا دیے جائیں تو اس سے نکلنے والا ہری گھاس نما پودا پیاز کی جگہ با آسانی استعمال کیا جاسکتا ہے۔

سالن گاڑھا کرنے اور بگھار لگانے کے لئے

سالن کو گاڑھا کرنے کے لئے آلو یا لوکی پیس کر ڈالا جاسکتا ہے جس سے پیاز کی کمی پوری ہوجائے گی البتہ بگھار کے لئے ہری پیاز یا لہسن بھی استعمال کرسکتے ہیں۔

ہری پیاز

ہری پیاز، عام پیاز کی نسبتاً سستی ہوتی ہے اور آج کل اس کا موسم بھی ہے۔ ہری پیاز کھانے کے صحت کے لئے بھی کئی فائدے ہیں۔

سونف

سستا سونف کھانوں میں تو استعمال ہوتا ہی ہے لیکن بہت کم لوگ جانتے ہیں کہ اسے پیاز کے متبادل کے طور پر بھی استعمال کیا جاسکتا ہے۔

 اس کے لئے آپ کو صرف ایک مٹی سے بھرا گملہ چاہیے۔ عام سونف کو مٹی میں دبا دیں اور جو ہرا پودا نکلے اسے کاٹ کر پیاز کی طرح استعمال کریں۔

 یہ بھی پڑھیں: پیاز کھانے کے حیرت انگیز فوائد جانیے