پاکستان کرکٹ ٹیم کے سابق کپتان اور فٹنس کیمپ کے کمانڈنٹ مصباح الحق نے کہا کوچنگ سے متعلق صرف افواہیں چل رہی ہیں۔
تفصیلات کے مطابق لاہورمیں پاکستان کرکٹ ٹیم کے سابق کپتان مصباح الحق نے میڈیا سے گفتگوکرتے ہوئے کہا کہ کوچنگ کے لیے کوئی درخواست نہیں دی، تمام تر توجہ کیمپ پر ہے۔
پاکستان کرکٹ ٹیم کے سابق کپتان کا کہنا تھا کہ صوبائی ایسوسی ایشنز میں تمام لڑکے اپنی ماضی کی پرفامنس پر سلیکٹ ہوں گے۔
مصباح الحق کا یہ بھی کہنا تھا کہ کوشش کی ہے سینٹرل کنٹریکٹ والے لڑکوں کو چانس دیں، محمد حسنین ہمارے پروگرام کا حصہ ہے۔
پاکستان کرکٹ ٹیم کے سابق کپتان نے کہا کہ میرٹ پر کھلاڑیوں کا انتخاب کرنا اولین مقصد ہے،قومی کپتان کیلئے تینوں فارمیٹ پر ایک بھی ہوسکتا ہے،الگ الگ کپتان بھی ہوسکتے ہیں۔
مصباح الحق کپتان نے یہ بھی کہا کہ میرے اکیلے کی رائے اہمیت نہیں رکھتی فیصلہ بورڈ نے کرنا ہے جو بھی کھلاڑی کپتانی کا اہل ہوا اس کو کپتان بنایا جائے گا۔
میڈیا سے گفتگو کرتے ہوئے مصباح الحق نے مزید کہا کہ میں نے لیول ٹو پرکوچنگ کورس کررکھا ہے،کوچنگ کیلئے جب بھی درخواست دوں گا، کرکٹ کمیٹی سے الگ ہوجاؤں گا۔
پاکستان کرکٹ ٹیم کے سابق کپتان مصباح الحق کا کہنا تھا کہ عالمی سطح پر فٹنس کیلئے معیار سے ہم سب واقف ہیں، کھلاڑیوں کی فٹنس میں بہتری آئی ہے، ہماری کوشش ہے کہ اگلے سیزن میں کھلاڑی اچھی تیاری سے جائیں ۔
خیال رہے کہ گذشتہ روز قومی کرکٹ ٹیم کے سینٹرل کنٹریکٹ کھلاڑیوں کے یویو ٹیسٹ مکمل ہوگئے، فٹنس ٹیسٹ دو گروپس میں لیے جارہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News