چار رکنی سری لنکن سیکیورٹی وفد نے پاکستان سری لنکا ٹیسٹ سیریز کے حوالے سے نیشنل اسٹیڈیم کراچی کا دورہ کیا ہے ۔
تفصیلات کے مطابق موہن ڈی سلوا کی سربراہی میں سری لنکاکے چار رکنی وفد نےنیشنل اسٹیڈیم میں سیکیورٹی انتظامات کا جائزہ لیا ۔
اس موقع پرپی سی بی کے ڈائریکٹر انٹرنیشنل ذاکر خان بھی وفد کے ہمراہ موجود تھےجبکہ پی سی بی حکام نےانتظامات کے حوالے سے سری لنکن آفیشلز کو بریفنگ بھی دی۔
اس موقع پر موہن ڈی سلوا کا کہنا تھا کہ پاکستان کے ساتھ ہمارے اچھے تعلقات ہیں جس کی بناء پر پاکستان کرکٹ بورڈ کی جانب سے ہمیں دعوت دی گئی جسے قبول کرتے ہوئے ہم پاکستان آئے ہیں۔
موہن ڈی سلوا نے مزید کہا کہ ابھی نیشنل اسٹیڈیم کا دورہ کیا ہے جس پر ہمیں مکمل بریفنگ دی گئی ہے اس کے بعد ہم لاہورجائیں گے اور قذافی اسٹیدیم کا بھی دورہ کریں گے۔
Advertisement
ٹیسٹ سیریز کے متعلق انہوں نے کہا کہ اس دورے پر ہمارے سینئرز ہمارے ساتھ موجود ہیں، دورے کی مکمل رپورٹ بنا کر سری لنکن بورڈ کو جمع کرادی جائے گی جس کی بناء پر اکتوبر میں پاکستان سری لنکا ٹیسٹ سیریز طے پائے گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
