پاکستان سپر لیگ  ( پی ایس ایل )2020 میں آج بریسٹ  کینسر  سے آگاہی  کا دن  منایا جائے گا۔

تفصیلات کے مطابق پاکستان کرکٹ بورڈ (پی سی بی ) چھاتی کے کینسر کے خلاف جنگ میں پنک ربن کی مدد کے لئے آگاہی دن کا انعقاد کر رہا ہے۔

پاکستان کرکٹ بورڈ چ پچھلے 3 سالوں سے پنک ربن کی حمایت  کر رہا ہے جس سے لاکھوں لوگ مستفید ہو رہے ہیں۔

میچ کے دوران  میچ آفیشلز ، ٹیمیں ، کھلاڑی اور تبصرہ نگار گلابی ربن پہن کر بریسٹ کینسر سے متعلق آگاہی مہم میں حصہ لیں گے اور آگاہی پھیلائیں گے۔

اس کے علاوہ اسٹمپس پر بھی گلابی رنگ نمایاں ہوگا جبکہ دونوں اسٹیڈیمز میں بھی یہی رنگ چھایا رہے گا۔

علاوہ ازیں پنک ربن کے آگاہی  سے  متعلق پیغامات ڈیجیٹل اسکرینوں پر بھی  آویزاں کیے جائیں گے۔

پی ایس ایل میں شائقین کا جوش جذبہ قابل تحسین ہے، کولن منرو

پی سی بی کے چیف ایگزیکٹو وسیم خان کا کہنا ہے کہ   کینسر کے خلاف شعور بیدار کرنے میں پی سی بی پیش پیش ہے  کیونکہ اس مقصد کی زیادہ سے زیادہ مدد کرنا ہماری اجتماعی ذمہ داری ہے۔

پنک ربن کے سی ای او عمر  آفتاب    نے پاکستان کرکٹ بورڈ کا شکریہ ادا کرتے ہوئے کہا ہے کہ  پی سی  بی کا  یہ قدم انتہائی قابل تحسین ہے۔

انہوں نے کہا  کہ پی سی بی جیسی تنظیموں کے تعاون سے ہم بیداری پیدا کرکے خواتین کی شرح اموات میں کمی لائیں گے۔

 پنک ربن کے سی ای او  کا مزیدکہنا تھا کہ ہم امید کرتے ہیں کہ میڈیا اور شائقین اس مہلک بیماری  سے متعلق  شعور اجاگر کرنے میں بھی اپنا کردار ادا کریں گے۔

واضح رہے کہ  پہلا میچ پشاور زلمی اور اسلام یونائیٹڈ  کے درمیان  پاکستانی وقت کے مطابق دوپہر 2 بجے راولپنڈی میں جبکہ دوسرا میچ لاہور قلند ز اور کوئٹہ گلیڈی ایٹرز کے مابین  شام 7 بجے لاہور میں کھیلا جا ئے گا۔