کرکٹ جنوبی افریقا نے بھارت کے خلاف ٹیسٹ سیریز کے لیے 21 رکنی اسکواڈ کا اعلان کردیا ہے۔

جنوبی افریقا نے بھارت کے خلاف 26 دسمبر سے شروع ہونے والی تین میچوں کی آئی سی سی ورلڈ ٹیسٹ چیمپئن شپ سیریز کے لیے 21 رکنی اسکواڈ کا اعلان کیا ہے۔

رائٹ آرم فاسٹ بالر ڈوین اولیور کی  ٹیم میں واپسی  ہوئی ہے۔انہوں نے آخری بار 2019 میں سری لنکا کے خلاف ٹیسٹ  میچ کھیلا تھا۔

دو نئے کھلاڑیوں گلینٹن اسٹورمین اور پرینیلن سبراین کو بھی ٹیم میں شامل کیا گیا  ہے، جبکہ سسندا مگالا اور ریان رکیلٹن  کو پہلی مرتبہ ٹیسٹ اسکواڈ میں شامل کیا گیا ہے۔

ان پانچ کھلاڑیوں کے علاوہ پوری ٹیم اسی اسکواڈ پر مشتمل ہے  جس نے جون میں ویسٹ انڈیز کا دورہ کیا تھا اور سیریز میں 0-2 سے فتح حاصل کی تھی۔

https://twitter.com/ICC/status/1468136757610926082

مستقل بنیادوں پر کپتانی سنبھالنے کے بعد یہ ڈین ایلگر کی پہلی ہوم سیریز ہوگی۔

دونوں ٹیموں کے مابین تین ٹیسٹ میچز کی سیریز کا آغاز سنچورین میں کھیلے جانے والے باکسنگ ڈے ٹیسٹ سے ہوگا ۔دیگر  دو ٹیسٹ میچز  جوہانسبرگ اور کیپ ٹاؤن میں کھیلے جائیں گے۔

 دونوں ٹیمیں 19 سے 23 جنوری تک پارل اور کیپ ٹاؤن میں تین ون ڈے میچز میں بھی مدمقابل ہوں گی۔

:ٹیسٹ اسکواڈ

ڈین ایلگر(کپتان) ، ٹمبا باووما(نائب کپتان)، کوئنٹن ڈی کوک، کگیسو ربادا، سارل ایروی، بیورن ہینڈرکس، جارج لنڈے، کیشو مہاراج، لنگی نگیدی، ایڈن مارکرام، ویان ملڈر، اینرچ نورکیا، کیگان پیٹرسن، ریسی وینڈر ڈسن، کائل ویرین، مارکو جینسن، گلینٹن اسٹرمین، پرینلن سبراین، سسندا مگالا ، ریان رکیلٹن   ، ڈوین اولیور