آسٹریلوی لیجنڈری بالر شین وارن کی میت ان کے آبائی وطن آسٹریلیا پہنچ گئی۔
تفصیلات کے مطابق 52 سال کی عمر میں اچانک انتقال کرجانے والے شین وارن کی میت تقریباً ایک ہفتے بعد آسٹریلیا پہنچ گئی ہے۔
آسٹریلوی کرکٹ لیجنڈ کی لاش کو ایک نجی طیارے کے ذریعے میلبرن پہنچایا گیا۔
یہ بھی پڑھیں: ’بال آف دی سینچری‘ کرنے والے شین وارن کے کیریئر پر ایک نظر
آسٹریلیا کے لیجنڈری لیگ اسپنر شین وارن تھائی لینڈ کے کوہ ساموئی میں 52 برس کی عمر میں دل کا دورہ پڑنے کے سبب انتقال کرگئے تھے۔
Advertisement
شین وارن کو ان کے ولا میں بے جان پایا گیا تھا اور طبی عملے کی بہترین کوششوں کے باوجود بھی وہ جانبر نہ ہوسکے تھے۔
تھائی لینڈ کے تفتیش کاروں کو مبینہ طور پر شین وارن کے کمرے کے فرش اور نہانے کے تولیے پر خون کے دھبے ملے تھے جس کے بعد شبہ کیا جارہا تھا کہ انہیں مبینہ طور پر قتل کیا گیا ہے۔
یہ بھی پڑھیں: شین وارن کی موت کے بعد ان کے اہل خانہ کا دل سوز بیان
تاہم تھائی پولیس نے تحقیقات اور پوسٹ مارٹم رپورٹ کے بعد جاری بیان میں ان کی موت کو قدرتی قرار دیا تھا۔
تھائی پولیس کا کہنا تھا کہ گزشتہ ہفتے تھائی لینڈ کے ایک جزیرے پر آسٹریلیا کے عظیم کرکٹر شین وارن کی موت قدرتی وجوہات کی وجہ سے ہوئی تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
