پاکستان اور ویسٹ انڈیز کی ٹیموں کے درمیان جاری ون ڈے سیریز کے تیسرے اور آخری میچ میں بھی پاکستان نے کامیابی حاصل کرلی ہے۔
ملتان کے کرکٹ اسٹیڈیم میں 14 سال بعد بین الاقوامی کرکٹ کے 3 ون ڈے میچز کھیلے گئے جس میں پاکستان نے ویسٹ کو وائٹ واش کردیا ہے۔
یہ بھی پڑھیں: تیسرا ون ڈے مٹی کے طوفان کی وجہ سے روک دیا گیا
دونوں ٹیموں کے درمیان گذشتہ روز سیریز کا تیسرا اور آخری میچ کھیلا گیا جس میں پاکستان نے 53 رنز سے کامیابی حاصل کی جبکہ سیریز کے بہترین کھلاڑی کا اعزاز امام الحق کو قرار دیا گیا۔
پاکستان کی بیٹنگ
قومی ٹیم کےکپتان بابراعظم نے ٹاس جیت کر پہلے خود بیٹنگ کرنے کا فیصلہ کیا، اننگز کا آغاز اوپنرز فخر زمان اور امام الحق نے کیا جبکہ فخر زمان تیسرے میچ میں بھی ناکام رہے اور 35 رنز بنانے کے بعد پویلین واپس لوٹ گئے۔
دو میچوں میں بہترین کھیل پیش کرنے والے کپتان بابراعظم تیسرے میچ میں بڑی اننگز کھیلنے میں ناکام رہے اور صرف ایک رنز بناکر پویلین لوٹ گئے۔
وکٹ کیپر بلے باز محمد رضوان بھی صرف 11 رنز ہی بناسکے اور اپنا تیسرا میچ کھیلنے والے محمد حارث اس میچ میں بھی ناکام رہے وہ کھاتہ کھولے بغیر ہی پویلین واپس لوٹ گئے۔
یہ بھی پڑھیں: پاکستان بمقابلہ ویسٹ انڈیز، شاہنواز دھانی کا ڈیبیو میچ
بعد ازاں شاداب خان اور خوشدل شاہ کے درمیان اچھی شراکت قائم ہوئی تاہم خوشدل شاہ 34 رنز بنانے کے بعد پویلین واپس لوٹ گئے جس کے بعد محمد نواز بھی صرف 8 رنز کے مہمان ثابت ہوئے۔
تاہم شاداب خان نے ذمہ دارانہ اننگز جاری رکھتے ہوئے نصف سنچری اسکور کی لیکن وہ ون ڈے میں اپنی پہلی سنچری اسکور نہ کرسکے اور آخری اوور میں 86 رنز پر آؤٹ ہوگئے۔
پاکستان نے مقررہ 48 اوورز میں مخالف ٹیم کو جیت کے لیے 270 رنز کا ہدف دیا جس کے جواب میں ویسٹ انڈیز کی پوری ٹیم 216 رنز پر ہی ڈھیر ہوگئی۔
ویسٹ انڈیز کی بیٹنگ
ویسٹ انڈیز کی جانب سے عقیل حسین 60 رنز بناکر نمایاں رہے جبکہ کیسی کارٹی نے 33، کیمو پول اور شائے ہوپ نے 21، 21 رنز اسکور کیے۔
علاوہ ازیں ویسٹ انڈیز کا کوئی کھلاڑی بڑا اسکور کرنے میں ناکامیاب رہا جبکہ پاکستان کی جانب سے شاداب خان نے 4، حسن علی اور محمد نواز نے 2،2 کھلاڑیوں کو آؤٹ کیا۔
واضح رہے کہ پاکستان نے ون ڈے سیریز کے پہلے دو میچز جیت کر پہلے ہی سیریز اپنے نام کرلی تھی جبکہ پہلے میچ میں پاکستان نے 5 وکٹوں سے اور دوسرے میچ میں 120 رنز کے بڑے مارجن سے کالی آندھی کو شکست دی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News