ایشین کرکٹ کونسل (اے سی سی) کا نجم سیٹھی کے ایشین کرکٹ کیلنڈر ایئر پر اعتراض کے بیان پر ردعمل سامنے آگیا۔
تفصیلات کے مطابق پاکستان کرکٹ بورڈ (پی سی بی) کی مینجمنٹ کمیٹی کے چیئرمین نجم سیٹھی کے بیان پر بھارتی بورڈ کے زیر اثر کام کرنے والی ایشین کرکٹ کونسل حرکت میں آگئی۔
Official media statement in response to @najamsethi 's comments on the ACC 2023-2024 calendar and pathway structure: https://t.co/mBXpeNOXYb
— AsianCricketCouncil (@ACCMedia1) January 6, 2023
ایشین کرکٹ کونسل (اے سی سی) کی جانب سے نجم سیٹھی کے بیان پر رد عمل میں کہا گیا کہ ایشین کرکٹ کیلنڈر ایئر کا اعلان تمام قوائد و ضوابط مکمل کرنے کے بعد کیا گیا۔
مزید پڑھیں: ایشیا کپ 2023: پاکستان اور بھارت ایک ہی گروپ میں
اے سی سی کے بیان میں کہا گیا کہ کیلنڈر ایئر ڈیولپمنٹ فنانس اور مارکیٹنگ کمیٹی کی اجازت کے بعد جاری کیا گیا۔شیڈول جاری کرنے سے قبل پی سی بی سے بھی بذریعہ ای میل رابطہ کیا گیا۔
اے سی سی کا مزید کہنا ہے کہ 22 دسمبر 2022 کی ای میل پر پاکستان کرکٹ بورڈ نے کوئی اعتراض نہیں کیا۔ نجم سیٹھی کا سوشل میڈیا پر بیان بے بنیاد ہے، اے سی سی اسے مسترد کرتی ہے۔
مزید پڑھیں: ملکوں میں لڑائی جھگڑے چلتے رہتے ہیں، کرکٹ جاری رہنی چاہیے، نجم سیٹھی
واضح رہے کہ گزشتہ روز ایشین کرکٹ کونسل نے دو سالہ کیلنڈر ایئر جاری کیا تھا ۔ایشیا کپ 2023 کی میزبانی پاکستان نے ستمبر میں کرنی ہے۔
پی سی بی کی مینجمنٹ کمیٹی کے چیئرمین نجم سیٹھی نے اے سی سی کے صدر کی جانب سے کیلنڈر کو حتمی شکل دینے اوراعلان کرنے کو یکطرفہ فیصلہ قرار دیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News