پاکستان کرکٹ ٹیم کے سابق کپتان جاوید میانداد کا کہنا ہے کہ عمران خان کو وزیر اعظم میں نے بنوایا تھا۔
نجی ٹی وی چینل کے پروگرام میں شرکت کرتے ہوئے قومی ٹیم کے سابق کپتان جاوید میانداد نے دعویٰ کیا ہے کہ عمران خان کو وزیر اعظم انہوں نے بنوایا تھا۔
انہوں نے عمران خان کا شکریہ ادا نہ کرنے پر شکوہ کرتے ہوئے کہا کہ میں ان کی حلف برداری کی تقریب میں گیا تھا لیکن انہوں نے میرا شکریہ ادا نہیں کیا۔
یہ بھی پڑھیں:جاوید میانداد نے میچ فکسنگ کی وجہ بتادی
پروگرام کے میزبان نے ان سے سوال کیا کہ آپ نے کیسے انہیں وزیر اعظم بنوایا؟ جس کے جواب میں انہوں نے کہا کہ کچھ اللہ والے لوگ بھی ہیں لیکن ان کو شکریہ ادا کرنا چاہیے تھا۔
جاوید میانداد نے یہ بھی انکشاف کیا کہ عمران خان وزیر اعظم بننے سے پہلے رات 2 بجے ان کے گھر گئے تھے۔
سابق کپتان کہتے ہیں کہ اگر آج میں عمران خان کے ساتھ ہوتا تو وہ وزیر اعظم کے عہدے سے نہیں ہٹ سکتے تھے۔
انہوں نے دعویٰ کیا کہ اگر میں وزیر اعظم بنواسکتا ہوں تو انہیں ہٹنے سے روک بھی سکتا تھا جب کہ اب ان کے وزیر اعظم بننے کی امید نظر نہیں آرہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News