بھارت میں شیڈول ورلڈکپ سے قبل قومی ٹیم کے پریکٹس سیشن میں دراز قد کے بولر نے سب کی توجہ اپنی طرف مبذول کروالی۔

میگا ایونٹ کی تیاریوں کے سلسلے میں قومی کرکٹرز نے گزشتہ روز حیدرآباد کے راجیو گاندھی اسٹیڈیم میں آپشنل ٹریننگ سیشن میں حصہ لیا اور خامیوں کو دور کرنے کی کوشش کی تاہم اس دوران پاکستانی بیٹرز کو میزبان بورڈ کیجانب سے بولرز بھی فراہم کیے گئے تھے، ان میں سے ایک بالر نشانتھ سرانو اپنے قد کی وجہ سے شہ سرخیوں میں آگئے۔

پاکستانی بیٹرز کو 6 فٹ 9 انچ کے دراز قد آور نشانتھ سرانو نے اچھی بالنگ کروائی اور خوب داد سمیٹی، انہوں نے اوپنر فخر زمان کو کلین بولڈ کیا جبکہ کئی ٹیلینڈرز کی وکٹیں بھی اڑائیں۔

نشانتھ سرانو نے نے بھارتی میڈیا سے گفتگو کرتے ہوئے کہا کہ فی الحال 125-130 کلومیٹر فی گھنٹہ کی رفتار سے بولنگ کرتے ہیں تاہم قومی اوپنر فخر زمان نے ان سے کہا کہ وہ اپنی رفتار بڑھا دیں کیونکہ وہ شاندار بالنگ کرنے کے اہل ہیں۔

انہوں نے بتایا کہ پاکستانی ٹیم کے بالنگ کوچ مورنے مورکل نے انہیں اپنی رفتار بڑھانے کو کہا۔

واضح رہے کہ قومی ٹیم کے کھلاڑیوں نے گزشتہ روز آپشنل ٹریننگ سیشن میں حصہ لیا تھا جس میں انہوں نے فیلڈنگ ڈلرز سمیت نیٹ پریکٹس سیشن میں بھی خوب محنت کی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں