آئی سی سی ورلڈکپ 2023 کے دوران بنگلادیش کے خلاف میچ میں بھارتی بلے باز ویرات کوہلی کی سنچری مکمل کروانے کے لیے امپائر نے قوانین کی دھجیاں اڑادیں۔
بھارت کے پونے کرکٹ اسٹیڈیم میں ہونے والے آئی سی سی ون ڈے ورلڈکپ کے سترہویں میچ میں بھارت نے ویرات کوہلی کی شاندار سنچری کی بدولت بنگلادیش کو 7 وکٹوں سے شکست دے کر ایونٹ میں مسلسل چوتھی کامیابی حاصل کی۔
Another Virat Kohli 💯 in a chase (in Pune once again), and India register their fourth W of the tournament 🙌https://t.co/LH9lKy1VRP #INDvBAN #CWC23 pic.twitter.com/x55zB04EXx
— ESPNcricinfo (@ESPNcricinfo) October 19, 2023
بھارت اور بنگلہ دیش کے درمیان میچ میں ایک وقت پر بھارت کو جیت کے لیے 26 رنز درکار تھے جب کہ وکٹ پر موجود بلے باز ویرات کوہلی کو اپنی سنچری مکمل کرنے کے لیے بھی 26 رنز ہی درکار تھے، ایسے میں نہ صرف ان کے ساتھی بلے باز کے ایل راہل نے ویرات کا بھرپور ساتھ دیا بلکہ فیلڈ امپائر بھی ان کے ساتھ دکھائی دیے۔
بیالیس ویں اوور میں جب کوہلی 97 رنز پر بیٹنگ کر رہے تھے اور انہیں اپنی سنچری مکمل کرنے کیلئے تین رنز چاہئے تھے اور بھارت فتح سے صرف دو رنز دور تھا، ایسے میں امپائر رچرڈ کیٹلبرو نے کوہلی کی سنچری مکمل کرانے کیلئے واضح وائیڈ بال نہیں دی۔
Just came across the video of Umpire not giving wide to Virat Kohli!
AdvertisementIt would be a clear wide on any day. Even Kohli's reaction said the same. Nothing against Virat's effort, but this is not right for an umpire to be influenced by a player's milestone.
Today, it was for a… pic.twitter.com/Y0RDeutINz
— Himanshu Pareek (@Sports_Himanshu) October 19, 2023
بنگلہ دیشی بولر نسیم احمد نے 42 ویں اوور کی پہلی گیند وائیڈ کرادی لیکن امپائر نے مبینہ طور پر کوہلی کو فائدہ پہنچانے کیلئے اسے وائیڈ بال قرار نہیں دیا کیونکہ اس صورت میں اسکور لیول ہوجاتا اور کوہلی کی سنچری خطرے میں پڑسکتی تھی۔
دوسری گیند ڈاٹ ہونے کے بعد کوہلی نے تیسری گیند پر چھکا لگاکر نہ صرف اپنی سنچری مکمل کی بلکہ ٹیم کیلئے وننگ شاٹ بھی کھیلا۔ میچ میں ویرات کوہلی اپنے ون ڈے کیریئر کی 48 ویں سنچری اسکور کرکے بھارت کی طرف سے ٹاپ اسکورر رہے اور مین آف دی میچ بھی قرار پائے۔
JUST ONE MORE TO EQUAL SACHIN'S RECORD!
Sensational No. 48 from the chase king Virat Kohli 👑#INDvBAN #CWC23 pic.twitter.com/JR9BFNGha5
— ESPNcricinfo (@ESPNcricinfo) October 19, 2023
دوسری جانب ویرات کوہلی لیجنڈری بلے باز سچن ٹنڈولکر کا ریکارڈ برابر کرنے کے لیے صرف ایک سنچری کی دوری پر ہیں، سچن نے ون ڈے کرکٹ میں سب سے زیادہ 49 سنچریاں بنارکھی ہیں۔
سوشل میڈیا صارفین کی جانب سے امپائر پر ویرات کوہلی کی سنچری مکمل کرانے کیلئے قوانین سے روگردانی کا الزام لگایا جارہا ہے۔
قانون کیا کہتا ہے؟
سوشل میڈیا صارفین کا کہنا ہے کہ امپائر نے وائیڈ بال نہ دے کر ویرات کوہلی کی سنچری پوری کروائی لیکن کیا واقعی ایسا تھا؟ کیا امپائر رچرڈ کیٹلبرو کے وائیڈ نہ دینے کے فیصلے سے ویرات کوہلی کو اپنی سنچری مکمل کرنے کا موقع ملا؟
آئی سی سی نے 2022 میں وائیڈ بال کے قوانین میں تبدیلی کی تھی، نیا قانون بولرز کو فائدہ پہنچانے کیلئے متعار ف کرایاگیا تھا۔
ایم سی سی لاز آف کرکٹ کی شق 22.1.1 کےمطابق وائیڈبال سے متعلق فیصلہ امپائر کی ججمنٹ پر تھا ، مارچ 2022 میں اس قانون میں معمولی تبدیلی کرکے شق 22.1.2 متعارف کرائی گئی۔
وائیڈبال قانون کی شق 22.1.2 کے تحت امپائر وائیڈ کا فیصلہ بیٹر کی پوزیشن کے لحاظ سے کرے گا، نئے قانون میں بتایا گیا کہ جہاں بیٹر کھڑا ہوگا اسی پوزیشن سے وائیڈبال کا تعین ہوگا۔
ورلڈکپ پوائنٹس ٹیبل
آئی سی سی ورلڈکپ کے گروپ اسٹیج کے پوائنٹس ٹیبل پر نظر ڈالیں تو نیوزی لینڈ پہلے ، بھارت دوسرے، جنوبی افریقا تیسرے اور پاکستان چوتھے نمبر پر موجود ہے۔ گروپ اسٹیج کے اختتام پر ٹاپ 4 ٹیمیں سیمی فائنلز کیلئے کوالیفائی کریں گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News