پاکستان سپر لیگ (پی ایس ایل) سیزن 9 کے ڈرافٹ کے لیے غیر ملکی کھلاڑیوں کی ابتدائی فہرست جاری کردی گئی۔

پلاٹینیم کیٹیگری

پی ایس ایل سیزن 9 کے پلاٹینیم کیٹیگری میں بنگلادیش کے شکیب الحسن، جنوبی افریقہ کے ڈوائین پریٹوریس، انگلینڈ کے جیمی اوورٹن اور افغانستان کے مجیب الرحمان بھی شامل۔

نیپال کے سندیپ لیمیچنی، جنوبی افریقہ کے رسی وینڈرڈسن، سری لنکا کے انجیلو میتھیوز اور کوشال مینڈس، انگلینڈ کے ڈیوڈ ملان اور ڈیوڈویلی بھی شامل۔

علاوہ ازیں ویسٹ انڈیز کے اوڈین سمتھ اور افغانستان کے نوین الحق جب کہ سری لنکا کے داشن شناکا اور انگلینڈ کے ریس ٹوپلی بھی پلاٹینیم کیٹیگری میں شامل کیا گیا ہے۔

ڈائمنڈ کیٹیگری

ڈائمنڈ کیٹیگری میں بنگلادیش کے تمیم اقبال، تسکین احمد، نجم الحسین شنٹو اور مشفیق الرحیم، نمیبیا کے ڈیوڈ ویسا اور افغانستان کے محمد نبی اور مجیب اللہ زدران شامل ہیں۔

نیوزی لینڈ کے مارٹن گپٹل، جنوبی افریقہ کے لونگی انگیدی، ریزا ہینڈرکس، انگلینڈ کے جارڈن کوکس اور اولی پوپ جب کہ ویسٹ انڈیز کے جانسن چارلس بھی ڈائمنڈ کیٹیگری میں شامل ہیں۔