قومی سلیکشن کمیٹی کا لاہور میں اجلاس ختم ہوگیا ہے۔
قومی سلیکشن کمیٹی کا لاہور میں اجلاس ہوا جس میں چیف سلیکٹر وہاب ریاض اور سلیکشن کمیٹی کے ارکان توصیف احمد، وجاہت اللہ واسطی اور وسیم حیدر نے شرکت کی۔
اجلاس میں نیوزی لینڈ کے خلاف پانچ میچز کی ٹی ٹوئنٹی سیریز کے حوالے سے پلیئرز کے انتخاب پر غور کیا گیا۔
اجلاس میں کنسلٹنٹ ممبر راؤ افتخار انجم نے بھی شرکت کی جب کہ کامران اکمل کل ہونے والے اجلاس میں شرکت کریں گے۔
پی سی بی کا کہنا ہے کہ ٹی ٹوئنٹی کے ممکنہ کھلاڑیوں کا تربیتی کیمپ جلد ہی نیشنل کرکٹ اکیڈمی لاہور میں شروع ہوگا۔
واضح رہے کہ نیوزی لینڈ کے خلاف 5 ٹی ٹوئنٹی میچز پر مشتمل سیریز 12 جنوری 2024 سے شروع ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News