پاکستان کے ہائی کمشنر زاہد حفیظ چوہدری کی جانب سے پاکستان کرکٹ ٹیم کے اعزاز میں عشائیے کا اہتمام کیا گیا۔
آسٹریلیا میں پاکستان کے ہائی کمشنر زاہد حفیظ چوہدری نے ہفتے کی شب کینبرا کے پاکستان ہاؤس میں پاکستان کرکٹ ٹیم کے اعزاز میں عشائیہ دیا۔
HE Zahid Hafeez Chaudhri, Pakistan High Commissioner to Australia, hosted the 🇵🇰 team at the Pakistan House in Canberra today. pic.twitter.com/gK7j7TGIh4
— Pakistan Cricket (@TheRealPCB) December 2, 2023
ہائی کمشنر زاہد حفیظ چوہدری نے اس موقع پر پاکستان کرکٹ ٹیم کو خوش آمدید کہتے ہوئے اس امید کا اظہار کیا کہ ٹیم آسٹریلیا میں اچھی کارکردگی کا مظاہرہ کرے گی اور کھیلوں کے سفیر کے طور پر یہ بہترین مثال قائم کرے گی۔
پاکستان کرکٹ ٹیم کے مینجر نوید اکرم چیمہ نے اس موقع پر ہائی کمشنر کا شکریہ ادا کیا۔
یہ بھی پڑھیں: سڈنی ایئرپورٹ پہنچنے پر پاکستان ٹیم کے ساتھ ناروا سلوک
کپتان شان مسعود نے بھی اس موقع پر ٹیم کو مدعو کرنے پر زاہد حفیظ چوہدری کا شکریہ ادا کیا اور کہا کہ پاکستانی ٹیم اس دورے میں اچھی کارکردگی کے ساتھ ساتھ مثالی رویے کا مظاہرہ کرے گی۔
واضح رہے کہ پاکستان کرکٹ ٹیم تین ٹیسٹ میچز کی سیریز کے لیے آسٹریلیاں میں موجود ہے، جہاں قومی ٹیم کا پہلا مقابلہ 14 دسمبر کو پرتھ میں ہوگا۔
دونوں ٹیموں کے درمیان سیریز کا دوسرا ٹیسٹ 26 سے 30 دسمبر تک میلبرن کرکٹ گراؤنڈ میں کھیلا جائے گا جب کہ تیسرا و آخری ٹیسٹ 3 جنوری 2024 کو سڈنی میں ہوگا۔
