سام سنگ کمپنی کی جانب سے اب تک کے مہنگے ترین فولڈ ایبل فونز یلکسی زیڈ فولڈ تھری اور گیلکسی زیڈ فلپ تھری  فروحت کے لئے پیش کردیئے گئے ہیں۔

رپورٹس کے مطابق کمپنی کی جانب سے گیلکسی زیڈ فولڈ تھری اور گیلکسی زیڈ فلپ تھری کی بکنگ 11 اگست سے27 اگست تک جاری رہے گی۔

ان موبائل فون کے حوالے سے کمپنی کا کہنا ہے کہ  یہ نئے ماڈل پہلے پیش کردہ ماڈل کے مقابلے میں دیرپا اور پائیدار ثابت ہوں گے کیونکہ اس فون میں بعض بنیادی تبدیلیاں کی گئیں ہیں جن میں مٹیریئل اور ماڈل کو تبدیل کیا گیا ہے۔

کمپنی کی جانب سے اسکرین کی حفاظتی پرت کو 80 فیصد زائد مضبوط بنایا گیا ہے جبکہ گوریلا گلاس وکٹس سے بیرونی اسکرین تیار ہوا ہے تاکہ کم ازکم کچھ سال تک فون پائیداری سے چلتا رہے۔

اس کی اہم بات یہ ہے کہ اسے مکمل طور پر واٹر پروف بنا کر آئی پی ایکس ایٹ کی سند دی گئی ہے۔

اس فون میں 12 جی بی ریم کے ساتھ اس میں کوالکوم کا اسنیپ ڈریگن 888 پروسیسر نصب ہے جبکہ 256 اور 512 جی بی کی گنجائش موجود ہے۔

اس کی پشت پر تین کیمرے لگے ہیں جن میں سے ایک وائڈ اینگل اور دوسرا ٹیلی فوٹو کیمرہ ہے، فولڈ ہونے پر ایک اسکرین لگا ہے جس پر 10 میگاپکسل کیمرہ نصب ہے۔

یہ سام سنگ کا مہنگا ترین فون بھی ہے جس کی قیمت 1799 سے شروع ہورہی ہے اور 1899 ڈالر تک جاتی ہے یعنی آخری مہنگا ترین ماڈل تین لاکھ دس ہزار روپے کا ہے۔