ٹیسلا نے جان برنل نامی سابق آٹو پائلٹ ملازم کو نوکری سے نکال دیا۔ کمپنی نے اپنے ملازم کو اپنے یوٹیوب چینل پر گاڑی کے متعلق ویڈیو ریویو شیئر کرنے پر نکالا۔

جان نے اپنے چینل پر یہ دِکھایا تھا کہ کمپنی کا فُل سیلف ڈرائیونگ بیٹا سسٹم سِلیکون ویلی کے مختلف مقامات پر کس طرح کام کرتا ہے۔

جان کو نوکری سے نکالنے کے ساتھ ہی ٹیسلا نے ان کی اپنی گاڑی کی ایف ایس ڈی بِیٹا سسٹم تک رسائی بھی ختم کردی ہے۔ باوجود اس کے کہ ان کے سافٹ ویئر میں کوئی سافٹ ویئر اسٹرائیک نہیں تھیں۔۔

البتہ ٹیسلا نے ان کو نوکری سے نکالنے کے حوالے سے تفصیلات نہیں بتائیں ہیں کہ ان کو کیوں نکالا گیا ہے۔

ٹیسلا اور دیگتر سیلیکون ویلی کی کمپنیا عموماً وفاداری کے کلچر کی حوصلہ افزائی کرتی ہیں۔ اندرونِ خانہ تنقید برداشت کرلی جاتی ہے لیکن عوامی سطح پر تنقید کو دغا بازی سمجی جاتی ہے۔

ٹیسلا نے جان کے معاملے پر مؤقف دینے کی درخواست پر فوری جواب نہیں دیا۔

تاہم، جان برنل کا کہنا تھا کہ ٹیسلا مینیجرز نے ان سے کہا کہ ان کے یوٹیوب چینل “AI Addict” نے ٹیسلا کے قواعد کی خلاف ورزی کی اور یہ مفاد کا تصادم تھا۔

واضح رہے 2017 میں نوکری سے نکالے جانے والے ٹیسلا کے ملازمین نے بتایا کہ ان سے کہا گیا تھا کہ ایلون مسک پر کُھلے عام تنقید نہ کی جائے۔