ایک نئی تحقیق کے مطابق زمین کے سب سے قریب ترین بلیک ہول سسٹم، جس کا فاصلہ زمین سے 1000 نوری سال ہے، میں دراصل کوئی بلیک ہول نہیں ہے۔

2020 میں جب یہ دریافت ہوا تھا تو HR 6819 سسٹم کی غیر معمولی دریافت کے متعلق کے متعلق دو خیالات پیش کیے گئے تھے۔ ایک کے مطابق یہ سسٹم بلیک ہول کے ساتھ تھا اور دوسرے کے مطابق یہ سسٹم بلیک ہول کے بغیر تھا۔

1000 نوری سال کے فاصلے پر موجود بلیک ہول، یعنی ہمارے خلائی پڑوس میں، کے خیال کو پیش کیا گیا تو اس نے شہ سرخیوں میں خوب جگہ بنائی۔ جبکہ دوسرے خیال کو اتنی پذیرائی نہیں ملی۔

تاہم، بیلجیئم کے محقیقن نے ایک نئی تحقیق میں سسٹم کی نئی پیمائشیں لیں تاکہ یہ دیکھ سکیں کہ کس خیال کے سچ ہونے کے زیادہ امکانات ہیں۔

انہوں نے یورپی سدرن آبزرویٹری ویری لارج ٹیلی اسکوپ اور وی ایل ٹی انٹرفیرومیٹر کا رُخ اس اسٹار سسٹم کی جانب کیا۔ کیوں کہ اس آلے میں ایسی صلاحیت تھی کہ ایسا ڈیٹا فراہم کر سکے جو دونوں خیالات کے مابین فرق بتا دے۔

تمام شواہد نے ایک ’ویمپائر‘ اسٹار سسٹم کی جانب اشارہ کیا، جس میں دو ستارے ایک بہت قریبی مدار میں دیکھے گئے ہیں اور ایک ستارہ دوسرے سے مٹیریل کھینچ رہا ہے۔

سسٹم میں کوئی فاصلے پر گردش ستارے کے شواہد نہیں تھے جو بلیک ہول تھیوری کے لیے ضروری ہوتے ہیں۔