ٹیسلا نے سال 2022 کے پہلے سہ ماہی، جس ٹیسلا سی ای او ایلون مسک نے انتہائی مشکل سہ ماہی قرار دیا تھا، میں 3 لاکھ 10 ہزار 48 گاڑیاں ڈیلیور کیں۔

ایک پریس ریلیز میں ٹیسلا نے کہا کہ ان ڈیلیوریون مین مادل 3 اور Y کی 2 لاکھ 95 ہزار 324 گاڑیاں دی گئیں، جبکہ 14 ہزار 724 گاڑیاں ماڈل Sاور X کی تھیں۔

اس سہ ماہی میں گزشتہ سہ ماہی کی نسبت تھوڑی زیادہ ڈیلیوریز کی گئیں۔ گزشتہ سہ ماہی میں 3 لاکھ 8 ہزار 600 ڈیلیوریز دی گئیں تھیں۔

پروڈکشن کی جانب ٹیسلا نے کُل 3 لاکھ 5 ہزار 407 گاڑیاں بنائیں۔

گزشتہ ماہ ٹیسلا نے کووڈ-19 کیسز میں اضافے کی وجہ سے شینگھائی میں اپنی فیکٹری دو روز کے لیے بند رکھی اورگزشتہ ہفتے شینگھائی میں کووڈ-19 کے حوالے سے اقدامات کے پیشِ نظرلگائے جانے والے لاک ڈاؤن کی وجہ سے ایک بار پھر بند کی گئی۔

شینگھائی پلانٹ اس کمپنی کا سب سے بڑا پلانٹ ہے جو ماڈل 3 اور ماڈل Y تیار کرتا ہے۔

ٹیسلا نے حال ہی میں اپنی پہلی یورپی فیکٹری جرمنی کے شہر برلن میں کھولی ہے۔ اس کا جشن منانے کی تقریب امریکی ریاست ٹیکسز کے شہر آسٹن کی گِیگا فیکٹری میں سات اپریل کو منعقد کی جائے گی۔