طویل انتظار کے بعد ہنڈا اٹلس کی طرف سے ’ہنڈا ایچ آر وی‘ متعارف کرا دی گئی ہے تاہم کسٹمرز کا جوش و جذبہ اس وقت کچھ سرد پڑ گیا جب معلوم ہوا کہ پاکستان میں مقامی سطح پر تیار کی گئی ہنڈا ایچ آر وی میں کئی بنیادی فیچرز موجود نہیں ہیں، جو دیگر ممالک میں تیار ہونے والی ہنڈا ایچ آر وی میں دیئے جاتے ہیں۔
رپورٹ کے مطابق ان فیچرز میں ہنڈا سینسنگ، لین کیپ اسسٹ، آٹونومس بریکنگ، لین ڈیپارچر وارننگ، لیڈ کار ڈیپارچر الرٹ، اڈاپٹو کروز کنٹرول، ڈراؤزی نیس ڈی ٹیکشن، پارکنگ سنسرز، رین سینسنگ وائپرز اور آٹومیٹک ٹیل گیٹ شامل ہیں جو پاکستان میں تیار کی جانے والی ہنڈا ایچ آر وی میں موجود نہیں ہیں۔
62لاکھ روپے مالیت کی اس گاڑی میں 4ایئر بیگ، ہل اسٹارٹ اسسٹ، اے بی ایس، فوگ لائٹس، بیک اپ کیمرا، اموبلائزر سسٹم اینڈ برگلر الارم، سنٹرل پاور ڈور لاکس، آئی ایس او فکس چائلڈ سیٹ اینکرز، الیکٹرانک پارکنگ بریک، وائر لیس چارجنگ، وہیکل سٹیبلٹی کنٹرول اور ٹریکشن کنٹرول کے سیفٹی فیچرز دیئے گئے ہیں۔
اس کے علاوہ اس گاڑی میں ملٹی پل ڈرائیو موڈز، اسمارٹ انفارمیشن سسٹم، الیکٹرانیکلی فولڈنگ مرر، 12وولٹ ساکٹ، یو ایس بی کنیکٹیویٹی، آٹومیٹک کلائمیٹ کنٹرول، کی لیس انٹری، سٹیرنگ وہیل ملٹی میڈیا کنٹرول سوئچز، ایڈجسٹ ایبل اسٹیرنگ وہیل، سیمی ڈیجیٹل گیج کلسٹر اور آٹو ڈمنگ مرر کے فیچرز بھی مہیا کیے گئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News