ایک کروڑ سے زیادہ افراد کی جانب سے ٹوئٹر کے سی ای او کے عہدے کو چھوڑنے کے لیے ووٹ دیے جانے کے بعد ایلون مسک کا شدید ردِ عمل سامنے آ گیا ہے۔
ایلون مسک نے سوشل میڈیا پلیٹ فارم کی سربراہی چھوڑنے کے حوالے سے عوام سے ایک ٹوئٹر پول کے ذریعے رائے طلب کی تھی جس میں 57.5 فیصد افراد نے ایلون مسک کو ٹوئٹر کے سی ای او کا عہدہ چھوڑنے کا کہا تھا۔
ایک صارف کے میسج پر انہوں نے اپنے ردِ عمل کا اظہار کیا جس نے کہا تھا کہ پالیسی سے متعلق پولز پر صرف ماہانہ فیس ادا کرنے والے ٹوئٹر بلیو کے صارفین کو ووٹ ڈالنے کی اجازت ہونی چاہیے۔
یہ بھی پڑھیں: ایلون مسک کا ڈیڑھ ارب ٹوئیٹر اکاؤنٹس بند کرنے کا اعلان
ایلون مسک نے اس صارف کے ٹوئٹ کا جواب دیتے ہوئے کہا کہ یہ اچھا نکتہ ہے اور ٹوئٹر میں یہ تبدیلی کی جائے گی۔
یعنی انہوں نے بظاہر سی ای او کے عہدے سے ہٹانے والے پول کے نتائج کو ماننے سے انکار کردیا ہے۔
یہ بھی پڑھیں: رواں سال ایلون مسک کی دولت میں بڑی کمی
ایک اور صارف کے ٹوئٹ میں کہا گیا کہ پول کے نتائج میں جعلی اکاؤنٹس نے کردار ادا کیا ہوگا جس پر ایلون مسک نے اپنے جواب میں صرف انٹرسٹنگ لکھا۔
واضح رہے کہ ایلون مسک پہلے بھی ٹوئٹر کے سی ای او کا عہدہ چھوڑنے کا عندیہ دے چکے ہیں۔
یہ بھی پڑھیں: ایلون مسک اب دنیا کے امیر ترین شخص نہیں رہے
16 نومبر کو ایک مقدمے کی سماعت کے دوران ایلون مسک نے کہا تھا کہ وہ آنے والے وقت میں ٹوئٹر کو چلانے کے لیے کسی اور فرد کی خدمات حاصل کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News