آنے والے وقت میں آئی فون کی جگہ لینے والی ایپل کی نئی ڈیوائس تاخیر کا شکار ہو گئی ہے۔
رپورٹ کے مطابق ایپل کی جانب سے پہلے مکسڈ رئیلٹی ہیڈ سیٹ کو متعارف کرانے کی تیاریاں جاری تھیں لیکن اب وہ تاخیر کا شکار ہو گئی ہے۔
تجزیہ کار منگ چی کیو کا کہنا ہے کہ مکسڈ رئیلٹی ہیڈ سیٹ ڈیوائس کو 2023 کی پہلی سہ ماہی کے دوران متعارف کرائے جانے کی منصوبہ بندی کی گئی تھی۔
لیکن خام مال کی قلت کے باعث اب اسے 2023 کی آخری ششماہی کے دوران متعارف کرائے جانے کا امکان ہے۔
واضح رہے کہ ایپل کی جانب سے 8 سے 12 لاکھ ڈیوائسز کو تیار کیا جانا تھا مگر اب یہ تعداد 5 لاکھ کردی گئی ہے، اس کی قیمت 2 سے 3 ہزار ڈالر کے درمیان ہو سکتی ہے۔
اس ہیڈسیٹ کے اندر اور باہر 10 کیمرے نصب ہوں گے اور ڈسپلے کا ریزولوشن بہت زبردست ہوگا، اسے آنے والے وقت میں آئی فون کا متبادل بنانے کی کوشش کی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News