سماجی رابطے کی ویب سائٹ ٹوئٹر نے اپنے صارفین کے لئے ایک نیا فیچر متعارف کرادیا ہے۔

ٹوئٹر دنیا بھر میں سب سے زیادہ استعمال ہونے والی سماجی رابطے کی ایپلی کیشن ہے اور یہی وجہ ہے کہ ٹوئٹر تیزی سے ترقی کرتے ہوئے اپنے صارفین کو بہتر سہولیات فراہم کرنے کے لیے آئے دن نئے فیچر متعارف کرواتا رہتا ہے۔

ٹوئٹر نے اپنے صارفین کے لئے ٹک ٹاک کی طرح کا الگور تھم بنا لیا، ساتھ ہی ٹوئٹر کی جانب سے الگورتھم پر مبنی ٹائم لائن اور ریورس chronological  پر مبنی ہوم فیڈ کا فیچر ختم کر کے الگورتھم فیڈ کو بائی ڈیفالٹ فیڈ بنا دیا گیا ہے۔

The “For you” and “Following” tabs replace “Home” and “Latest” and will be pinned to the top of your timeline so you can easily switch between them. Swipe to switch timelines instead of tapping the ✨ icon.

Advertisement

— Twitter Support (@TwitterSupport) January 11, 2023

کمپنی کے مطابق یہ نئی تبدیلی سب سے پہلے آئی او ایس صارفین کے لیے متعارف کرائی گئی ہے اور اب وہ ایپل کی ڈیوائسز میں صارفین کے لیے فار یو اور فالوونگ کے نام سے 2 ٹیبز نظر آئیں گی۔

یہ بھی پڑھیں: ٹوئٹر کے بلیو ٹِک اکاؤنٹ ہولڈرز کے لیے بری خبر

کمپنی کا کہنا ہے کہ جب ایپ کو اوپن کیا جائے گا تو فار یو ٹیب ہی سب سے پہلے اوپن ہوگی جس کے بعد صارف کی مرضی ہوگی کہ وہ کونسی ٹیب پر اسکرولنگ کرنا چاہتا ہے۔

اس کے ساتھ ہی فار یو فیڈ میں ایسے اکاؤنٹس کی ٹوئٹس صارفین کے سامنے ہوں گی جن کو وہ فالو ہی نہیں کرتے ہوں گے جبکہ فالوونگ ٹیب میں آپ کو ان اکاؤنٹس کی تازہ ترین ٹوئٹس نظر آئیں گی جن کو آپ فالو کر رہے ہوں گے۔