کیا آپ جانتے ہیں کہ اسمارٹ فون بیٹری کی زندگی مختصر کرنے والی 2 عام عادات کون سی ہیں؟ اگر نہیں تو آج ہم آپ کو بتائیں گے۔

اسمارٹ فونز کا استعمال دنیا بھر میں کیا جاتا ہے اور اس کی بیٹری کے حوالے سے اکثر لوگ پریشان نظر آتے ہیں لیکن کیا آپ جانتے ہیں کہ اس کی بیٹری کی زندگی آپ اپنے ہاتھوں سے مختصر کرتے ہیں؟

یہ بھی پڑھیں؛ خبردار! ان احتیاطی تدابیر کے بغیر اپنا پرانا اسمارٹ فون فروخت نہ کریں

آج ہم ایسی 2 عادات کا ذکر کریں گے جو بیٹری لائف کے لیے نقصان دہ ثابت ہوتی ہیں اور اس کے نتیجے میں اسمارٹ فون کی کارکردگی بھی متاثر ہوتی ہے۔

 بیٹری کو چارج کرنے میں تاخیر

بیشتر افراد اپنا فون اس وقت چارج کرتے ہیں جب بیٹری 10 فیصد سے بھی کم رہ جاتی ہے، یہ عادت طویل المعیاد بنیادوں پر اسمارٹ فونز کی بیٹری لائف کے لیے تباہ کن ثابت ہوتی ہے۔

جب فون کی بیٹری 10 فیصد یا اس سے بھی کم رہ جاتی ہے تو ڈیوائس پر دباؤ بڑھ جاتا ہے، ایسا بار بار کرنے سے بیٹری زیادہ تیزی سے تنزلی کا شکار ہونے لگی ہے۔

اس سے بچنے کے لیے ضروری ہے کہ فون کو اس وقت چارج کرلینا چاہیے جب بیٹری 15 سے 20 فیصد باقی ہو۔

اسمارٹ فون کو کیس میں ہی چارج کرنا

 اسمارٹ فون کی بیٹری کی زندگی مختصر کرنے والی ایک اور عام عادت یہ ہے کہ اکثر لوگ موبائل پر لگے کیس کو اتارے بغیر ہی فون چارج پر لگا دیتے ہیں۔

یہ بھی پڑھیں: بچوں کو موبائل فون سے دور رکھنے کیلئے یہ 9 طریقے آزمائیں

ایسا کرنے سے فون کو 2 مسائل کا سامنا ہوسکتا ہے، ایک تو فون کی بیٹری زیادہ گرم ہو جاتی ہے جس سے بیٹری لائف پر منفی اثرات مرتب ہوتے ہیں اور دوسرا چارجنگ کنکٹر کو نقصان پہنچنے کا خطرہ بڑھتا ہے۔

یہی وجہ ہے کہ ماہرین کی جانب سے اسمارٹ فون کو کیس سے نکال کر چارج کرنے کا مشورہ دیا جاتا ہے۔