دنیا بھر میں سب سے زیادہ استعمال کیا جانے والا سرچ انجن گوگل آج پچیس برس کا ہوگیا ہے جس کا اعلان اس نے حسب روایت ڈوڈل میں تبدیلی کے ساتھ کیا۔ گوگل نے اس طرح اپنی سلور جوبلی مکمل کر لی ہے جو کہ ایک اعزاز ہے۔
یہ بات تو سب جانتے ہیں دنیا کے اہم ترین دن یا واقعات پر گوگل ڈوڈل تبدیل ہوتا نظر آتا ہے، آج اپنی سلور جوبلی کے موقع پر بھی تبدیل ہو گیا۔ اس موقع پر گوگل نے اپنے پچیس برس کے دوارن جتنی بار بھی اپنے لوگوں کو تبدیل کیا اسے ڈوڈل کے طور پر تبدیل ہوتا ہوا پیش کیا ہے۔ کمپنی نے سلور جوبلی کی مناسبت سے اپنے ڈوڈل میں 25 کے ہندسوں کا اضافہ کیا ہے جو دنیا بھر میں دیکھا جا سکتا ہے۔
25 برس قبل 1998ء میں لیری پیج اور سرگئے برن نے گوگل کو کیلیفورنیا کے مضافاتی علاقے میں ایک گیراج سے بطور یونیورسٹی ریسرچ پروجیکٹ شروع کیا۔ آج اس کے 6 براعظموں کے 200 سے زائد شہروں میں دفاتر اور ڈیٹا سینٹر قائم ہیں۔
1998 کے بعد سے بہت کچھ بدل گیا ہے بشمول گوگل کا لوگو جیسا کہ آج کے ڈوڈل میں دیکھا گیا ہے یہ کنتی بار تبدیل ہوا ہے۔ لیکن اس سرچ انجن کا مشن وہی رہا، دنیا کی معلومات کو منظم کرنا اور اسے عالمی سطح پر قابل رسائی اور مفید بنانا یہی وجہ ہے کہ پوری دنیا سے اربوں لوگ گوگل کو تلاش کرنے، اس کے ساتھ جڑنے، کام کرنے، کھیلنے اور بہت کچھ حاصل کرنے کے لیے استعمال کرتے ہیں۔
واضح رہے کہ گوگل کی بنیاد 1998ء میں 4 ستمبر کو رکھی گئی تھی، البتہ گوگل 2002ء سے اپنی سالگرہ 27 ستمبر کو منا رہا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News