ویڈیو شیئرنگ ایپ ٹِک ٹاک نے ایپلی کیشن میں گوگل سرچ کی آزمائش شروع کردی۔

رواں ہفتے کے شروع میں ایپ محقق راڈو اونسیسکو نے ایکس (سابقہ ٹوئٹر) پر ایک اسکرین شاٹ پیش کیا تھا جس میں ٹک ٹاک میں ٹاپک کی تلاش کے لیے گوگل سرچ کے ٹیب کو دیکھا جاسکتا ہے۔

اسکرین شاٹ کے مطابق گوگل سرچ کا کارڈ ٹِک ٹاک کی ویڈیوز کے درمیان میں موجود ہے اور جب اس کارڈ کو دبایا جائے گا تو ایک انتباہ سامنے آئے گا جو واضح کرے گا سرچ کے تنائج کی ذمہ داری ٹک ٹاک پر عائد نہیں ہوگی۔

ٹِک ٹاک سرچ کو عموماً مختلف عنوانات کے حوالے سے ویڈیوز کی تلاش کے لیے استعمال کرتے ہیں لیکن یہ واضح ہے کہ کمپنی چاہتی ہے کہ اس فیچر کو صارفین کے لیے مزید کارآمد بنایا جائے۔

اِنسائڈر سے گفتگو کرتے ہوئے ٹِک ٹاک نے اس بات کی تصدیق کی کہ کمپنی گوگل سرچ کی شمولیت کی آزمائش کر رہی ہے لیکن اس متعلق کچھ نہیں بتایا کہ آیا کمپنی کی جانب سے یہ اقدام گوگل کے ساتھ کسی مالی معاہدے کی صورت میں ہوا ہے یا نہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں