معروف ٹیکنالوجی کمپنی گوگل نے اینڈرائیڈ صارفین کو بڑی خوشخبری سُنادی ہے۔
گوگل اینڈرائیڈ صارفین کے لیے ایک نیا فوٹو فیچر متعارف کرا رہی ہے جو تصاویر کو ترتیب دینے اور فون کو صاف رکھنے میں مدد دے گا۔
جی ہاں، فوٹو اسٹیکس نامی یہ فیچر کھینچی جانے والی تصویر کے وقت کے حساب سے چھوٹی چھوٹی البم بناتا ہے جس سے ایک وقت میں لی گئی تصاویر کو ایک جگہ اکٹھا کرنے میں مدد ملتی ہے۔
فوٹو اسٹیکس تصاویر کو بالکل اس ہی طریقے سے ترتیب دیتا ہے جس طرح ایپل کی اپنی فوٹو البم ایپ کے فار یو سیکشن کے لیے تصاویر کو چھانٹتی ہے۔
گوگل کا کہنا ہے کہ صارفین ایپ کی مدد سے 100 تصاویر تک ایک ساتھ اکٹھی کر سکیں گے جبکہ صارفین کو فوٹو اسٹیک کو تصاویر مرتب کرنے کے لیے استعمال کرنے سے قبل تصاویر کو بیک اپ کرنا ہوگا۔
اینڈرائیڈ صارفین کی گوگل فوٹو ایپ میں جب یہ فیچر شامل کر دیا جائے گا تو ایک پوپ اپ ونڈو اس فیچر کی دستیابی کے متعلق ان کو آگاہ کر دے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News