قارئین آپ نے نوٹ کیا ہوگا کہ جب آپ گوگل پر کوئی چیز سرچ کرتے ہیں جیسے کوئی کتاب یا پروڈکٹ آپ دیکھتے ہیں تو اسی سے متعلق اشتہارات آپ کو بار بار دکھائی دینے لگتے ہیں۔

خواہ آپ فیس بک پر جائیں یا کسی اور پلیٹ فارم پر اس کی وجہ وہ تھرڈ پارتٰی کوکیز ہوتی ہیں جو ویب سائٹ کے اوپر جاکرآپ کی معلومات کو محفوط کرلیتی ہیں اور اسی سے متعلق اشتہارات آپ کو دکھاتی ہے۔

تاہم یہ کوکیز خطرناک بھی ہوسکتی ہیں اور آپ کی جاسوی کے علاوہ آپ کے کمپیوٹر کو نقصان بھی پہنچاسکتی ہیں۔ اگرچہ اس کا امکان بہت ہی کم ہے لیکن کسی قدریہ اشتہارات پریشانی کا باعث بننے کے ساتھ آپ کے تسلسل میں رکاوٹ کا سبب بھی بنتے ہیں۔

یہی وجہ ہے کہ اب گوگل نے اپنے صارفین کی پرائیویسی پالیسی کو زیادہ بہتر اور زیادہ محفوظ بنانے کے لیے تھرڈ پارٹی کوکیز کے اوپر ایک طرح سے کریک ڈاؤن کا آغاز کیا ہے جس پر تیزی سے کام جاری ہے۔

 گوگل سے وابستہ پرائیویسی کے آفیسر انتھونی شاویزکا کہنا ہے کہ  پہلے مرحلے میں گوگل کا کروم براؤزر ایک فیصد کوکیز کو ختم کرے گا یا انہیں ڈی ایکٹیویٹ کرے گا، اس کے بعد یہ سلسلہ بتدریج بڑھایا جائے گا اور 2024 کے آخر تک تمام تھرڈ پارٹی کوکیزکو ختم کردیا جائے وہ اس براؤزر کے اوپر بے اثر ہوکر رہ جائے گی، تاکہ صارفین کی معلومات کو محفوظ بنایا جاسکے اور انہیں کسی طرح کے بھی اشتہارات سے بچایا جاسکے۔

واضح رہے کہ صرف گوگل کا کروم براؤزر ہی نہیں بلکہ بہت سارے براؤزر نے بھی ان کوکیز سے جان چھڑانے کے لیے بہت سارے اقدامات کیے ہیں لیکن انہیں اس ضمن میں خاطر خواہ کامیابی نہیں مل سکی۔

یہ بات تو سب ہی جانتے ہیں گوگل کا کروم دنیا بھرمیں 63 فیصد فون، ڈیسک ٹاپ اور لیپ ٹاپ پر بطور سرچ انجن استعمال ہوتا ہے یعنی اس براؤزرکو 63 فیصد لوگ استعمال کرتے ہیں اور یہی وجہ ہے کہ گوگل نے اس سلسلے میں ایک بہت ہی اہم قدم اٹھایا ہے۔

اگرچہ ایپل اور مائیکروسافٹ کے بنج، سفاری، موزیلافائرفوکس، بریووجیسے براؤزر اوردیگر پلیٹ فارمز نے بہت تیزی سے کوکیز کے خلاف کام کیا ہے لیکن اس سلسلے میں گوگل کی رفتار بہت سست رہی اور اس نے اس حوالے سے کوئی خاطر خواہ اقدامات نہیں اٹھائے لیکن اب گوگل نے ان کے خلاف کریک ڈاؤن کا اعلان کیاہے۔

  تھرڈ پارٹی کوکیز کو بلاک کرنے سے گوگل کے نہ صرف ایڈورٹائزمنٹ اور اس سے آمدنی میں اضافہ ہوگا بلکہ صارفین کو بھی بہتر سہولیات میسر آسکے گی ۔