دنیا بھر میں سوشل میڈیا کی فوٹو اینڈ ویڈیو شیئرنگ ایپ انسٹاگرام سروس ڈاؤن ہوگئی ہے۔
پاکستان سمیت دنیا بھر میں آج انسٹاگرام کی سروس اچانک ڈاؤن ہوگئی جس کے کچھ دیر بعد اسے بحال کردیا گیا۔
سوشل میڈیا پلیٹ فارمز کی بندش پر نظر رکھنے والی ویب سائٹ ڈاؤن ڈیٹیکٹر کے مطابق آج صبح 6 بجکر 30 منٹ پر انسٹاگرام کے بندش کی 488 رپورٹس موصول ہوئیں جبکہ دنیا بھر میں ہزاروں صارفین اپنے انسٹاگرام اکاؤنٹس سے خود بخود لاگ آؤٹ ہوگئے۔
رپورٹ میں بتایا گیا کہ 70 فیصد صارفین کو انسٹاگرام پر لاگ اِن میں مشکلات کا سامنا کرنا پڑا جبکہ 11 فیصد صارفین کو سرور کنکشن کے مسائل کا سامنا ہے۔
امریکا سے 5 ہزار سے زیادہ صارفین کی شکایت موصول ہوئیں جبکہ گزشتہ روز رات 11 بجے بھی انسٹاگرام کی بندش کی خبریں موصول ہوئی تھیں۔
تاہم آج صبح کچھ دیر تک سروس ڈاؤن ہونے کے بعد دوبارہ بحال ہوگئی تاہم میٹا کی جانب سے کوئی بیان سامنے نہیں آیا۔
جب انسٹاگرام اکاؤنٹ خود بخود لاگ آؤٹ ہو جائے تو کیا کریں؟
اپنی ڈیوائس کو ری اسٹارٹ کریں۔
انٹرنیٹ کنکشن چیک کریں۔
اگر آپ کے پاس اینڈرائیڈ ڈیوائس ہے تو cache کلیئر کریں۔
انسٹاگرام ایپ کو اپ ڈیٹ کریں۔
کسی بھی تھرڈ پارٹی ایپس کو غیر فعال کریں۔
انسٹاگرام اَن انسٹال کریں اور دوبارہ انسٹال کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News