بھارت میں حساب کا کچا دولہا اپنی دلہن سے ہاتھ دھو بیٹھا۔

بھارت میں اکثر شادی کے موقع پر ایسے واقعات پیش آتے ہیں جن کی ویڈیوز سوشل میڈیا پر وائرل ہو جاتی ہیں۔

حال ہی میں بھارتی ریاست اترپردیش میں شادی کی تقریب کے دوران دولہا نوٹ نہیں گن سکا جس کی وجہ سے دلہن نے شادی سے انکار کر دیا۔

یہ بھی پڑھیں؛ بھارت میں شادی کے لئے دلہا ” برائے فروخت ”، جانئیے کیسے!

ہوا کچھ یوں کے شادی کے دوران دولہا کو دس روپے کے 30 نوٹ گننے کے لیے دیے گئے، دولہا متعدد کوششوں کے باوجود نوٹوں کی درست گنتی نا کرسکا جس کے بعد دلہن نے شادی سے انکار کردیا۔

دوسری جانب دلہن کے بھائی کا کہنا ہے کہ ’ انہوں نے اپنی اکیس سالہ بہن کی شادی تئیس سالہ نوجوان کے ساتھ طے کی تھی، پنڈت کی جانب سے لڑکے کی ذہنی حالت سے متعلق شکوک کا اظہار کیا گیا تھا لیکن کچھ عزیزوں کی جانب سے تسلی کے بعد ہم شادی کے لیے رضا مند ہوگئے تھے ‘۔

انہوں نے کہا کہ ’ شادی کے روز دولہا کی ذہنی حالت کو جانچنے کے لیے 10 روپے کے 30 نوٹ دیئے گئے لیکن دلہا کئی کوششوں کے باوجود نوٹوں کی گنتی نہیں کرسکا جس کے بعد دلہن منڈپ سے اٹھ گئی اور شادی سے انکار کردیا ‘۔

یہ بھی پڑھیں؛ بھارت میں شادی ہال ماتم کدہ بن گیا

  شادی کے موقع پر دلہن کے انکار کے بعد دونوں خاندانوں میں جھگڑا ہو گیا، پولیس نے موقع پر پہنچ کر دونوں خاندانوں میں صلح کروانے کی کوشش کی مگر دلہن شادی کے لیے نہیں مانی۔